નવી દિલ્હી :મંગળવારે સાંજે દિલ્હી-એનસીઆરમાં અચાનક હવામાનમાં આવેલા પલટા અને ભારે વરસાદને કારણે ઇન્દિરા ગાંધી આંતરરાષ્ટ્રીય એરપોર્ટ (IGIA) ના સંચાલન પર પણ અસર પડી. પ્રાપ્ત માહિતી અનુસાર, બપોરે 3 થી 4 વાગ્યાની વચ્ચે દિલ્હી એરપોર્ટથી કુલ 14 ફ્લાઇટ્સ ડાયવર્ટ કરવી પડી હતી. એરપોર્ટ અધિકારીઓએ આ વાતની પુષ્ટિ કરી છે. 

  એર ઇન્ડિયાએ એક પોસ્ટમાં એ પણ માહિતી આપી હતી કે દિલ્હીમાં ખરાબ હવામાનને કારણે અમારી ફ્લાઇટ્સ કામગીરી પ્રભાવિત થઈ છે અને કેટલીક ફ્લાઇટ્સ ડાયવર્ટ કરવી પડી છે. 

 ભોપાલ: ૬ ફ્લાઇટ્સ -ચંદીગઢ: ૩ ફ્લાઇટ્સ -અમૃતસર: ૨ ફ્લાઇટ્સ -અમદાવાદ: ૧ ફ્લાઇટ -વારાણસી: ૧ ફ્લાઇટ -લખનૌ: ૧ ફ્લાઇટ ડાયવર્ટ  કરાઈ હતી 

દિલ્હીનું ઇન્દિરા ગાંધી આંતરરાષ્ટ્રીય વિમાનમથક (IGIA) દેશનું સૌથી વ્યસ્ત વિમાનમથક છે. તેનું સંચાલન દિલ્હી આંતરરાષ્ટ્રીય વિમાનમથક લિમિટેડ (DIAL) દ્વારા કરવામાં આવે છે. હાલમાં, અહીં ત્રણ રનવે કાર્યરત છે, જ્યારે એક રનવે અપગ્રેડેશનના કામને કારણે બંધ છે. આવી સ્થિતિમાં, જ્યારે હવામાન બગડે છે, ત્યારે કામગીરી પર વધારાનું દબાણ આવે છે.