કોલકાતા,તા.૨૩: પﾍમિ બંગાળના નાદિયા જિલ્લાના કલ્‍યાણી શહેરમાં એક ચોંકાવનારી ઘટના સામે આવી છે. જ્‍યારે એક કોલેજ વિદ્યાર્થીનીએ બીજા ધર્મના છોકરા સાથે લગ્ન કર્યા, ત્‍યારે તેના પરિવારે તેણી જીવતી હતી ત્‍યારે તેના માટે શ્રદ્ધા વિધિઓ કરી. પરિવારે કહ્યું કે છોકરી હવે તેમના માટે મળત્‍યુ પામીૅ છે અને તેમણે તેના સામાજિક અંતિમ સંસ્‍કાર કર્યા છે.

છોકરી ઘરેથી નીકળી ગયાના ૧૨ દિવસ પછી પરિવારે આ પગલું ભર્યું. છોકરીએ તેના પરિવારની મરજી વિરુદ્ધ છોકરા સાથે લગ્ન કર્યા હતા, જેના કારણે તેના પરિવારે તેને ત્‍યજી દીધી હતી. છોકરીના કાકા સોમનાથ વિશ્વાસે મીડિયાને જણાવ્‍યું, તે હવે અમારા માટે જીવિત નથી. અમે તેના માટે લગ્નની વ્‍યવસ્‍થા કરી હતી, પરંતુ તેણે સાંભળ્‍યું પણ નહીં. જે રીતે તેણે ઘર છોડીને લગ્ન કર્યા, તેનાથી આખા પરિવારની બદનામી થઈ છે. હવે બહુ થયું.

પરિવારે શ્રાદ્ધની બધી વિધિઓ શુદ્ધ હિન્‍દુ પરંપરા અનુસાર કરી. છોકરીના ફોટા પર ફૂલોનો હાર ચઢાવવામાં આવ્‍યો, ઘરના પુરુષોએ પોતાના માથા મુંડન કરાવ્‍યા અને પુજારીએ પિંડદાન અને તર્પણ કર્યું. છોકરીની માતાએ કહ્યું કે તેણે તેની પુત્રીનો બધો જ સામાન બાળી નાખ્‍યો.

પરિવારે ખાસ કરીને યુવકના ધર્મનો તેમના નિર્ણય પર પ્રભાવ હતો કે નહીં તે અંગે કોઈ ટિપ્‍પણી કરી ન હતી, પરંતુ સ્‍થાનિક સૂત્રો કહે છે કે લગ્ન આંતરધાર્મિક હતા. છોકરીના પિતા, જે વિદેશમાં કામ કરે છે, તેમણે પણ પરિવારના નિર્ણયને ટેકો આપ્‍યો છે. બીજી તરફ, છોકરી હાલમાં તેના સાસરિયાના ઘરે રહે છે અને તેને માનસિક સલાહ આપવામાં આવી રહી છે.

આ કેસનું નિરીક્ષણ કરી રહેલા એક વરિષ્ઠ પોલીસ અધિકારીએ જણાવ્‍યું હતું કે, અમને ઘટના વિશે માહિતી મળી છે, પરંતુ છોકરી પુખ્‍ત વયની છે અને હજુ સુધી કોઈ પણ પક્ષે પોલીસમાં ફરિયાદ નોંધાવી નથી.(૪૦.૧૦)