ઈરાન પરના યુદ્ધ સામે ન્યૂયોર્કમાં વિરોધ પ્રદર્શન યોજાયું
લોકોએ ટ્રમ્પને આ યુદ્ધ બંધ કરવાની અપીલ કરીઃ વિરોધીઓએ પેલેસ્ટિનિયન ધ્વજ લહેરાવ્યા હતા અને ‘‘ઈરાનથી દૂર રહો'' જેવા સૂત્રોચ્ચાર કર્યા હતા : અમેરિકા દ્વારા ઈરાન પર બોમ્બમારો કરવાથી ઘણા લોકો નાખુશ છે
ન્યુયોર્ક તા.૨૩: રવિવારે અમેરિકાના ન્યુયોર્કમાં સેંકડો લોકો રસ્તા પર ઉતરી આવ્યા હતા અને ઈરાનના પરમાણુ સ્થળો પર તાજેતરના યુએસ હુમલાઓની ટીકા કરી હતી. વિરોધીઓ પેલેસ્ટિનિયન ધ્વજ લહેરાવી રહ્યા હતા અને ‘‘ઈરાનથી દૂર રહો'' અને ‘‘ઈરાન સામે યુદ્ધ બંધ કરો
'' લખેલા પ્લેકાર્ડ લઈને આવ્યા હતા. તેમણે ઇઝરાયલ પર ઈરાન સાથે તણાવ શરૂ કરવાનો અને ગાઝામાં લશ્કરી કાર્યવાહીનો આરોપ લગાવ્યો.
આ લોકો ઈરાનના ફોર્ડો, ઇસ્ફહાન અને નતાન્ઝ પરમાણુ સ્થળો પર અમેરિકાના નેતળત્વ હેઠળ કરવામાં આવેલા ઓપરેશન મિડનાઇટ હેમરના વિરોધમાં હતા. ન્યુ યોર્ક સિટી પોલીસ વિભાગ (NYPD) એ સમગ્ર શહેરમાં સુરક્ષા વધારી દીધી છે અને ધાર્મિક, સાંસ્કળતિક અને રાજદ્વારી સ્થળોએ વધારાના પોલીસ દળો તૈનાત કર્યા છે.
અમે ઈરાનમાં થઈ રહેલા વિકાસ પર નજર રાખી રહ્યા છીએ. સાવચેતી રૂપે, અમે ધાર્મિક, સાંસ્કળતિક અને રાજદ્વારી સ્થળોએ વધારાના સંસાધનો મોકલી રહ્યા છીએ અને સંઘીય ભાગીદારો સાથે નજીકથી કામ કરી રહ્યા છીએ. અમે ન્યૂ યોર્ક પર કોઈપણ સંભવિત અસરોનું નિરીક્ષણ કરવાનું ચાલુ રાખીશું.
પોલીસે સવારે જાહેરાત કરી હતી કે શહેરના મહત્વપૂર્ણ સ્થળોએ વધુ સંસાધનો તૈનાત કરવામાં આવી રહ્યા છે જેથી કોઈપણ પરિસ્થિતિનો સામનો કરી શકાય. શનિવારે અમેરિકાના રાષ્ટ્રપતિ ડોનાલ્ડ ટ્રમ્પે કહ્યું કે અમેરિકાએ ઈરાનના ત્રણ પરમાણુ સ્થળો પર હુમલો કર્યો છે, ત્યારબાદ આ પગલાં લેવામાં આવ્યા છે.
રવિવારે યુએસ ડિફેન્સ સેક્રેટરી પીટ હેગસેથે ઈરાનમાં આ ઓપરેશનને સફળ ગણાવ્યું. તેમણે કહ્યું કે હુમલાઓ તેમના લક્ષ્યોને નષ્ટ કરવામાં સફળ રહ્યા. પરંતુ ન્યૂયોર્કમાં વિરોધીઓ આ લશ્કરી કાર્યવાહીને યુદ્ધની શરૂઆત ગણાવી રહ્યા હતા. તેમણે કહ્યું કે ઇઝરાયલે માત્ર ઈરાન સાથે તણાવ જ નહીં પરંતુ ગાઝામાં પોતાની લશ્કરી કાર્યવાહીથી વધુ અશાંતિ પણ ફેલાવી. પ્રદર્શનકારીઓ પોતાના સૂત્રોચ્ચાર અને પ્લેકાર્ડ દ્વારા શાંતિનો સંદેશ આપી રહ્યા હતા અને યુદ્ધ વિરુદ્ધ અવાજ ઉઠાવી રહ્યા હતા
(11:12 AM IST)
છેલ્લા 8 દિવસમાં સૌથી લોકપ્રિય 
