ઇઝરાયલી સેનાએ તેહરાનના રહેવાસીઓને વિસ્તાર ખાલી કરવાની ચેતવણી જારી કરી છે. ઇઝરાયલી સેનાએ ઈરાનીઓને ચેતવણી આપી છે કે તે આગામી દિવસોમાં તેહરાનની આસપાસના લશ્કરી ઠેકાણાઓ પર હુમલો કરવાનું ચાલુ રાખશે.

પોતાના નિવેદનમાં, સેનાએ તેહરાનના નાગરિકોને સરકાર સાથે જોડાયેલા શસ્ત્રો ઉત્પાદન સુવિધાઓ, લશ્કરી મુખ્યાલય અને સુરક્ષા સંસ્થાઓથી દૂર રહેવાની સલાહ આપી છે.

  દરમિયાન અમેરિકાએ કતારમાં રહેલા તેના નાગરિકોને આગામી આદેશ સુધી આશ્રયસ્થાનમાં રહેવાની સલાહ આપી છે. દૂતાવાસે કતારમાં રહેલા અમેરિકન નાગરિકોને એક ઇમેઇલ મોકલ્યો છે. દૂતાવાસે જણાવ્યું હતું કે આ અપીલ લોકોને વધુ સાવધ રહેવા માટે કરવામાં આવી છે.