પેસિફિક મહાસાગરમાં ડૂબી ગયું ૩,૦૦૦ વાહનો લઈ જતું માલવાહક જહાજ
માલવાહક જહાજમાં આગ લાગી ગઈ : આ જહાજ ચીનથી મેક્સિકો જઈ રહ્યું હતું : આ જહાજ ૩,૦૦૦ નવા વાહનો લઈ જઈ રહ્યું હતું
નવી દિલ્હી, તા.૨૫: આ મહિનાની શરૂઆતમાં પેસિફિક મહાસાગરમાં આગ લાગવાથી એક માલવાહક જહાજ ડૂબી ગયું હતું. ર્મોનિંગ મિડાસ નામનું આ જહાજ ૩,૦૦૦ નવા વાહનો લઈને મેક્સિકો જઈ રહ્યું હતું. આ જહાજમાં લગભગ ૮૦૦ ઇલેક્ટ્રિક વાહનો પણ હતા. આગ લાગ્યા પછી ક્રૂ મેમ્બર્સને બીજા જહાજ દ્વારા બચાવી લેવામાં આવ્યા. આગ એટલી ભીષણ હતી કે તેને ઓલવી શકાય તેમ નહોતું.
લંડન સ્થિત શિપિંગ કંપની ઝોડિયાક મેરીટાઇમ અનુસાર, જહાજ અલાસ્કામાં એલ્યુશિયન આઇલેન્ડ ચેઇન નજીક આંતરરાષ્ટ્રીય પાણીમાં ડૂબી ગયું છે. એસોસિએટેડ પ્રેસના જણાવ્યા અનુસાર, ખરાબ હવામાનને કારણે આગ વધુ તીવ્ર બની, જેના કારણે જહાજ એક તરફ ઝૂકી ગયું અને પછી ડૂબી ગયું. ર્મોનિંગ મિડાસ નામનું આ જહાજ જમીનથી ૪૧૫ માઇલ દૂર ૧૬,૪૦૪ ફૂટની ઊંડાઈએ ડૂબી ગયું છે.
માલવાહક જહાજ ડૂબી ગયા પછી, યુએસ કોસ્ટ ગાર્ડના -વક્તાએ જણાવ્યું હતું કે જહાજના પાછળના ભાગમાં ઇલેક્ટ્રિક વાહનોથી ભરેલા ડેકમાંથી ધુમાડાના મોટા ગોટા નીકળતા જોવા મળ્યા હતા. ઓફિસર કેમેરોન તોલે જણાવ્યું હતું કે યુએસ કોસ્ટ ગાર્ડના જહાજો પ્રદૂષણ સંબંધિત કોઈપણ સમસ્યાનો સામનો કરવા માટે સંપૂર્ણપણે તૈયાર છે.
કેમેરોન તોલે જણાવ્યું હતું કે કોઈપણ -દૂષણ અથવા કાટમાળને નિયંત્રિત કરવા માટે માલવાહક જહાજ ડૂબી ગયું તે વિસ્તારની નજીક બચાવ ટગ તૈનાત કરવામાં આવ્યા છે. એપી અનુસાર, જહાજની મેનેજમેન્ટ કંપની, ઝોડિયાક મેરીટાઇમ, વધારાની સહાય માટે પ્રદૂષણ પ્રતિભાવ વાહન પણ મોકલશે. ૩ જૂનના રોજ અલાસ્કાના કિનારાથી લગભગ ૩૦૦ માઇલ દૂર ૬૦૦ ફૂટ લાંબા આ કાર્ગો જહાજમાં આગ લાગી હતી.
કાર્ગો જહાજે આગ અંગે ડિસ્ટ્રેસ એલર્ટ મોકલ્યું, ત્યારબાદ યુએસ કોસ્ટ ગાર્ડે કોલનો જવાબ આપ્યો. કોસ્ટ ગાર્ડે પુષ્ટિ આપી છે કે કોઈ ઈજા થઈ નથી, જહાજ પર સવાર ૨૨ લોકોને લાઇફબોટમાં બહાર કાઢવામાં આવ્યા છે. આગથી અસરગ્રસ્ત કાર્ગો જહાજની નજીક આવેલા એક વેપારી મરીન જહાજ દ્વારા ક્રૂ સભ્યોને બચાવી લેવામાં આવ્યા હતા. marinetraffic.com ના જણાવ્યા અનુસાર, ૨૦૦૬ માં બનેલ લાઇબેરિયન ધ્વજવાળું જહાજ ૨૬ મેના રોજ ચીનના યાન્ટાઈથી મેક્સિકો જવા રવાના થયું હતું.
(10:22 AM IST)
છેલ્લા 8 દિવસમાં સૌથી લોકપ્રિય 
