ઈન્ડિગોની ફ્લાઈટમાં મુસાફરી કરી રહેલા એક મુસાફરનો વિડિયો સોશિયલ મીડિયા પર વાયરલ થઈ રહ્યો છે. આ વિડિયોમાં એક મુસાફર ફ્લાઈટમાં હાજર લાઈફ જેકેટ ચોરી કરવાનો પ્રયાસ કરી રહ્યો છે. આ વિડિયો ફ્લાઈટમાં હાજર અન્ય એક મુસાફરે બનાવ્યો છે. આ વિડિયો સોશિયલ મીડિયા સાઈટ 'X' પર શેર કરવામાં આવ્યો છે. અત્યાર સુધી આ વિડિયો પર ઈન્ડિગો સત્તાવાળાઓ તરફથી કોઈ પ્રતિક્રિયા આવી નથી.
ફ્લાઇટમાં આ વિડિયો રેકોર્ડ કરનાર યુવકે મુસાફરને આવું કરતા અટકાવ્યો અને કહ્યું- હું તમને ઘણા સમયથી નોટિસ કરી રહ્યો છું. તમે શું કરી રહ્યા છો? તમે લાઇફ જેકેટ ચોરી રહ્યા છો. તમે ખોટું કરી રહ્યા છો. તે આગળ કહે છે કે આ યોગ્ય નથી. આ મુસાફરોની સુરક્ષા માટે છે અને તમે તેને ચોરીને બેગમાં રાખી રહ્યા છો. તે જ સમયે, આ વિડિયો ક્યારે અને ક્યાંનો છે તે હજુ સુધી જાણી શકાયું નથી.

સોશિયલ મીડિયા પર વાયરલ થઈ રહેલા આ વિડિયો પર ઘણા યુઝર્સે ટિપ્પણી કરી છે. એક યુઝરે લખ્યું છે કે- આવા મુસાફરને કડક સજા મળવી જોઈએ. તેના જેવા મુસાફરોને ફ્લાઇટમાં ચઢવા પર પ્રતિબંધ મૂકવો જોઈએ. તેમના પાસપોર્ટ જપ્ત કરવા જોઈએ. એક યુઝરે લખ્યું છે કે, ફ્લાઇટમાંથી લાઇફ જેકેટ ચોરી કરવી એ સજાપાત્ર ગુનો છે. આવા મુસાફર સામે કડક કાર્યવાહી થવી જોઈએ. એક યુઝરે લખ્યું કે હવે ચોરો ફ્લાઇટમાં મુસાફરી કરવા લાગ્યા છે. આવા લોકો સામે કાર્યવાહી થવી જોઈએ.