<img height="1" width="1" style="display:none" src="https://www.facebook.com/tr?id=1793108690839422&ev=PageView&noscript=1" />
News of Friday, 27th June 2025

પુરીમાં જય જગન્‍નાથના ઘોષ સાથે રથયાત્રાનો પ્રારંભ

રૂપકડે રથડે સવાર થયા ભગવાન જગન્‍નાથ...: ભકતો ઉમટયા : ૧૨ દિવસના ભવ્‍યાતિભવ્‍ય ઉત્‍સવમાં લાખો શ્રધ્‍ધાળુઓ જોડાશે :ભવ્‍ય યાત્રા જગન્‍નાથ ગુંડિચા મંદિર સુધીની હોય છેઃ તંત્ર દ્વારા સજ્જડ તૈયારીઓ : ઓડિશાના મુખ્‍યમંત્રી, રાજયપાલ શુભકામના પાઠવી

પુરી, તા.૨૭: ભગવાન જગન્નાથની રથયાત્રા ઓડિશાના પુરીમાં શરૂ થઈ રહી છે. આ ભવ્‍ય યાત્રા શ્રી જગન્નાથ મંદિરથી શરૂ થઈને ગુંડીચા મંદિર સુધી જશે. એવું માનવામાં આવે છે કે ભગવાન જગન્નાથ વર્ષમાં એકવાર તેમના ભાઈ બલભદ્ર અને બહેન સુભદ્રા સાથે તેમના કાકાના ઘરે એટલે કે ગુંડીચા મંદિરમાં આવે છે. ૨૭ જૂનથી શરૂ થયેલી આ રથયાત્રા ૧૨ દિવસ સુધી ચાલુ રહેશે. આ ઘટના ૮ જુલાઈના રોજ નીલાદ્રી વિજય સાથે સમાપ્ત થશે. આ દિવસે ભગવાન જગન્નાથ તેમના મૂળ મંદિરમાં પાછા ફરશે. આ ૧૨ દિવસના ભવ્‍યથી અતિભવ્‍ય ઉત્‍સવમાં લાખો શ્રદ્ધાળુઓને જોડાય છે. આ યાત્રા ધાર્મિક-સાંસ્‍કળતિક મહત્‍વ ધરાવે છે. ૨૭ જૂનથી શરૂ થતી આ રથયાત્રા ૮ જુલાઈએ નીલાદ્રિ વિજય સાથે સમાપ્ત થશે, જ્‍યારે ભગવાન પોતાના નિજ મંદિરમાં પાછા ફરશે. રથયાત્રાની તૈયારીઓ મહિનાઓ પહેલાં શરૂ થઈ જાય છે. ગઈકાલે હજારો ભક્‍તોએ મંદિરના સિંહદ્વાર ખાતે ભગવાન જગન્નાથ, બલભદ્ર અને સુભદ્રાના નવયૌવન દર્શન કર્યા. આ દર્શન સવારે ૮થી ૧૦:૩૦ વાગ્‍યા સુધી ખુલ્લાં હતા. ૧૧ જૂને તાાન યાત્રા બાદ દેવતાઓના જાહેર દર્શન બંધ કરવામાં આવ્‍યા હતા, કારણ કે માન્‍યતા છે કે તાાન બાદ દેવતાઓ બીમાર થાય છે અને ૧૫ દિવસ અનાસર ઘરમાં રહે છે. નવયૌવન દર્શન, જેને નેત્રોત્‍સવ પણ કહેવાય છે. આ દરમિયાન મૂર્તિઓની આંખો રંગવામાં આવે છે. ભગવાન તાલધ્‍વજ (બલભદ્ર), દેવદલન (સુભદ્રા) અને નંદીઘોષ (જગન્નાથ) ત્રણ રથો પર સવાર થઈ મોસાળ જાય છે.

 ઓડિશામાં ભગવાન જગન્નાથની વાર્ષિક યાત્રા માટે મોટી સંખ્‍યામાં ભક્‍તો હાજર છે. યાત્રા આજથી શરૂ થશે. બેંગલુરુમાં થયેલી ભાગદોડની ઘટના બાદ, પુરી રથયાત્રામાં કોઈપણ અનિચ્‍છનીય ઘટના ન બને તે માટે AI કેમેરા લગાવવામાં આવ્‍યા છે, જે કોઈપણ એક વિસ્‍તારમાં મોટી ભીડ હોય તો સુરક્ષા એજન્‍સીઓને ચેતવણી આપશે. આ વર્ષે યાત્રા ૨૭ જૂન એટલે કે આજથી શરૂ થશે અને ૮ જુલાઈ સુધી ચાલુ રહેશે. ભગવાન જગન્નાથ, તેમના ભાઈ બલભદ્ર અને બહેન સુભદ્રા સાથે, પુરીના મુખ્‍ય મંદિરથી ગુંડિચા મંદિર સુધી વિશાળ રથ પર યાત્રા કરશે. પુરી રથયાત્રામાં લાખો લોકો ભાગ લે તેવી અપેક્ષા છે. રથયાત્રા માટે ૧૦,૦૦૦ પોલીસકર્મીઓ તૈનાત કરવામાં આવ્‍યા છે. ઓડિશા પોલીસે જણાવ્‍યું હતું કે લગભગ ૧૫ લાખ ભક્‍તોની ભીડને સંભાળવા માટે ખાસ વ્‍યવસ્‍થા કરવામાં આવી છે.

ભગવાન જગન્નાથની રથયાત્રા નિમિત્તે, ઓડિશાના મુખ્‍યમંત્રી મોહન માઝીએ અભિનંદન પાઠવ્‍યા છે. તેમણે X પર લખ્‍યું છે કે કરોડો ઓડિયા લોકોના રત્‍ન ભગવાન જગન્નાથની પવિત્ર રથયાત્રા નિમિત્તે સૌને હાર્દિક અભિનંદન અને શુભકામનાઓ. હું ચતુર્ધામ મૂર્તિના ચરણોમાં રાજ્‍યના વિકાસ અને સૌના કલ્‍યાણ અને પ્રગતિ માટે પ્રાર્થના કરું છું. પોતાના સંદેશમાં તેમણે કહ્યું કે રથયાત્રા દરમિયાન સૌએ વ્‍યવસ્‍થા જાળવી રાખવી જોઈએ.

મુખ્‍યમંત્રી માઝીએ એક વીડિયો સંદેશમાં કહ્યું છે કે શ્રદ્ધા અને ભક્‍તિ સાથે રથયાત્રામાં જોડાઓ, રથ પર મહાપ્રભુના દિવ્‍ય દર્શન કરો અને તેમના આશીર્વાદ મેળવો. ઓડિશામાં પુરીની સાથે, અમદાવાદ, ગુજરાતના વડોદરા અને પશ્‍ચિમ બંગાળના કોલકાતામાં ભગવાન જગન્નાથની રથયાત્રાનું આયોજન કરવામાં આવ્‍યું છે. ઓડિશાના રાજ્‍યપાલ ડૉ. હરિ બાબુ કંભમપતિએ રથયાત્રાના શુભ અવસર પર સૌને હાર્દિક શુભેચ્‍છાઓ પાઠવી.(૨૩.૧૬)

 

(2:45 PM IST)