તા. ૧૦ એપ્રિલ ર૦ર૫ વિક્રમ સંવત ર૦૮૧ ચૈત્ર સુદ – ૧૩ ગુરૂવાર
News of Friday, 27th June 2025
'આ એર ઇન્ડિયાની ફ્લાઇટમાં બોમ્બ છે': આ વાક્ય વિમાનના નંબર સાથે ટીશ્યુ પેપર પર લખેલું હતું: વાંચતા જ અફડાતફડી ફેલાઈ
તાત્કાલિક સેન્ટ્રલ ઇન્ડસ્ટ્રિયલ સિક્યુરિટી ફોર્સ અને દિલ્હી પોલીસને આ અંગે જાણ કરવામાં આવી : તપાસ શરૂ

નવી દિલ્હી : મુંબઇથી દિલ્હી આવી રહેલી એર ઇન્ડિયા ફ્લાઇટમાં ત્યારે ગભરાટ ફેલાઇ ગયો જ્યારે એક ક્રૂ મેમ્બરે વિમાનમાં એક ટીશ્યુ પેપર જોયું, જેના પર 'બોમ્બ' લખેલું હતું. તાત્કાલિક સેન્ટ્રલ ઇન્ડસ્ટ્રિયલ સિક્યુરિટી ફોર્સ અને દિલ્હી પોલીસને આ અંગે જાણ કરવામાં આવી.
કહેવામાં આવી રહ્યું છે કે એર ઇન્ડિયાના વિમાનમાં બોમ્બ હોવાની વાત ટીશ્યુ પેપર પર લખેલી હતી. એક ક્રૂ મેમ્બરને વિમાનમાં ટીશ્યુ પેપર મળ્યું. પોલીસ અધિકારીઓને આ અંગે જાણ કરવામાં આવી. આ પછી, સુરક્ષા અધિકારીઓ આખા વિમાનની તપાસ કરવા માટે પહોંચ્યા છે.
માહિતી અનુસાર, ફ્લાઇટ નંબર 2954 જે મુંબઈથી દિલ્હી આવી હતી. તેમાં, ક્રૂ મેમ્બરને એક ટીશ્યુ પેપર મળ્યું. જેના પર લખ્યું હતું કે એર ઇન્ડિયા ફ્લાઇટ નંબર 2948 માં બોમ્બ છે.
શનિવારે, બર્મિંગહામ (યુકે) થી દિલ્હી આવી રહેલી એર ઇન્ડિયાની ફ્લાઇટને બોમ્બની ધમકી મળતાં તેને સાઉદી અરેબિયાના રિયાધ શહેર તરફ વાળવી પડી હતી. ટાટા ગ્રુપની માલિકીની એરલાઈને રવિવારે આ ઘટનાની પુષ્ટિ કરી હતી. એર ઈન્ડિયાએ તેના નિવેદનમાં જણાવ્યું હતું કે વિમાનને રિયાધ એરપોર્ટ પર સુરક્ષિત રીતે ઉતારવામાં આવ્યું હતું અને સંપૂર્ણ સુરક્ષા તપાસ કરવામાં આવી હતી. તપાસમાં કંઈપણ શંકાસ્પદ મળ્યું નથી.
(6:31 PM IST)









છેલ્લા 8 દિવસમાં સૌથી લોકપ્રિય 
