છેલ્લા 8 દિવસમાં સૌથી લોકપ્રિય હેં...વારાણસીમાં ભાજપનો પરાજય 9:51 AM
કપીલના શોમાં નિહંગ શીખોની મજાક ઉડાવાઇ હતીઃ પહેરવેશ અને વર્તન પર ટિપ્પણી થઇ'તી
કપિલ શર્માના કાફે પર ગોળીબાર કરનાર આતંકવાદીએ આપ્યું કારણ
ટોરેન્ટો તા.૧૨: કપિલ શર્માના કેનેડા સ્થિત કાફે પર ગોળીબાર કરનાર આતંકવાદીએ ફાયરીંગ માટેનું કારણ આપ્યું છે. હરજીત સિંહ લાડીએ કહ્યું કે કપિલ શર્માના શોમાં એક સહભાગીએ નિહંગ શીખોની મજાક ઉડાવી હતી. તેણે નિહંગોના પહેરવેશ અને વર્તન પર ટિપ્પણી કરી હતી. આ રીતે તેણે શીખ સમુદાયની ભાવનાઓની મજાક ઉડાવી હતી. લાડીએ કહ્યું કે કૉમેડીની આડમાં ધર્મની મજાક ઉડાવવી સહન નહીં થાય. હરજીત સિંહ બબ્બર ખાલસા ઇન્ટરનેશનલ સાથે સંકળાયેલો છે. તેણે કૉમેડિયનના કાફે પર ગોળીબારની જવાબદારી લીધી છે.
સોશિયલ મીડિયા પોસ્ટમાં, લાડીએ કહ્યું કે તેણે બીકેઆઈના અન્ય સહયોગી તુફાન સિંહ સાથે મળીને આ હુમલો કર્યો હતો. બુધવારે રાત્રે કપ્સ કાફેમાં ગોળીબારની ઘટનાને આ બંનેએ અંજામ આપ્યો હતો. હરજીત સિંહ લાડીનો સમાવેશ એનઆઈએની મોસ્ટ વૉન્ટેડ યાદીમાં થાય છે. કેનેડા સરકાર પણ બીકેઆઈને આતંકવાદી સંગઠન માને છે.
હરજીત સિંહ લાડીએ લખ્યું કે કપિલ શર્માના શોમાં એક વ્યક્તિએ નિહંગ શીખ જેવો પોશાક પહેરેલો હતો. તેણે કેટલીક રમુજી ટિપ્પણીઓ પણ કરી. તેણે કહ્યું કે કૉમેડીની આડમાં કોઈ ધાર્મિક કે આધ્યાત્મિક ઓળખની મજાક ઉડાવી શકાતી નથી. લાડીના જણાવ્યા મુજબ, કપિલ શર્માના મેનેજરને ઘણી વાર ફોન કરવામાં આવ્યો હતો. પરંતુ તેણે કોઈ જવાબ આપ્યો નહીં. તેણે કહ્યું કે કપિલે આ માટે માફી કેમ ન માગી? નિહંગ શીખો શીખ ધર્મમાં પરંપરાગત યોદ્ધાઓની ઓળખ ધરાવે છે. આ લોકો ખાસ બ્લૂ પોશાક પહેરે છે અને પરંપરાગત શષાો ધરાવે છે. આ ઉપરાંત, તેઓ પરંપરાગત શીખ માર્શલ આર્ટ્સમાં પણ કુશળ છે.
બુધવાર જો કે, આ ગોળીબારમાં કોઈને ઈજા થઈ નથી અને સંપત્તિને કોઈ નુકસાન થયું નથી. ગોળીબાર સમયે સ્ટાફના સભ્યો કાફેની અંદર હાજર હતા. કાફે દ્વારા એક ઇન્સ્ટાગ્રામ પોસ્ટ કરવામાં આવી છે. તેમાં લખ્યું છે કે અમે આ ઘટનાથી ચોક્કસ આઘાત પામ્યા છીએ, પરંતુ અમે આતંકવાદ સામેની લડાઈમાં મજબૂત રીતે ઉભા છીએ.
તમને જણાવી દઈએ કે તાજેતરમાં કપિલ શર્મા અને તેની પત્ની ગિન્નીએ આ કાફેનું ઉદ્ધાટન કર્યું હતું. ઉદ્ધાટનના થોડા જ દિવસોમાં કાફે પર હુમલો થયો છે. આ ઘટનાનો વીડિયો ઇન્ટરનેટ પર વાયરલ થઈ રહ્યો છે. જેમાં સ્પષ્ટપણે જોઈ શકાય છે કે એક વ્યક્તિ રાત્રે કાફેની બારીઓ પર ગોળીબાર કરતો જોવા મળે છે. કારમાં બેઠેલો વ્યક્તિ આડેધડ ગોળીબાર કરી રહ્યો છે. હવે આ મામલે એક મોટી વાત સામે આવી છે. ખાલિસ્તાની આતંકવાદી હરજીત સિંહ લડ્ડીએ દાવો કર્યો છે કે આ ગોળીબાર તેને કરાવ્યો હતો.(૩૮.૨)
(10:17 AM IST)
