મુંબઈથી દુબઈ જતી આંતરરાષ્ટ્રીય સ્પાઈસજેટની ફ્લાઇટ ટેકનિકલ કારણોસર ખોરવાઈ ગઈ હતી. બપોરે 1.50 વાગ્યે દુબઈ જવાની ફ્લાઇટ હજુ સુધી રવાના થઈ નથી. ફ્લાઇટમાં વિલંબ અંગે મુસાફરોને જાણ કરવામાં આવી હતી, જેના કારણે ઘણા મુસાફરોને અસુવિધાનો સામનો કરવો પડ્યો હતો. 

આ કારણે મુસાફરોને ત્યાંથી નીકળતા અટકાવવામાં આવી રહ્યા છે. ત્યારબાદ એરપોર્ટ પર સ્પાઈસજેટ વિરુદ્ધ સૂત્રોચ્ચાર કરવામાં આવી રહ્યા છે. મુસાફરોને કહેવામાં આવ્યું હતું કે વિમાનમાં કોઈ ટેકનિકલ ખામી છે જેના કારણે ફ્લાઇટ હજુ સુધી ઉડાન ભરી શકી નથી. તેથી તેમને રોકી રાખવામાં આવ્યા હતા. 

એરપોર્ટ પર સ્પાઇસજેટની ફ્લાઇટના મુસાફરોએ એરલાઇન સામે જોરદાર વિરોધ કર્યો હતો. ગુસ્સે ભરાયેલા મુસાફરોએ જણાવ્યું હતું કે તેમને 12 કલાક સુધી એરપોર્ટ પર રોકી રાખવામાં આવ્યા હતા. ગુસ્સે ભરાયેલા મુસાફરોએ એરલાઇન સામે ગંભીર આરોપો લગાવ્યા હતા અને જોરથી સૂત્રોચ્ચાર કર્યા હતા. લોકોએ સ્પાઇસજેટ ચોર છેના નારા લગાવ્યા હતા.