પાકિસ્તાનમાં નેતાઓએ કરાવ્યો હતો પહેલગામ હુમલો
રિપોર્ટમાં મોટો દાવો...ISI એ લશ્કર કમાન્ડર સાજિદ જટ્ટને જમ્મુ અને કાશ્મીરમાં ફક્ત વિદેશી આતંકવાદીઓને તૈનાત કરવાનો નિર્દેશ આપ્યો હતો
નવી દિલ્હી તા.૧૫: જમ્મુ અને કાશ્મીરના પહેલગામમાં થયેલો આતંકવાદી હુમલો પાકિસ્તાનના રાજકીય અને લશ્કરી અધિકારીઓનું કાવતરું હતું. તાજેતરના એક અહેવાલમાં આવો સંકેત મળ્યો છે. જોકે, ભારત સરકારે આ અંગે કોઈ સત્તાવાર ટિપ્પણી કરી નથી. ૨૨ એપ્રિલના રોજ થયેલા હત્યાકાંડમાં ૨૬ પ્રવાસીઓની નિર્દયતાથી હત્યા કરવામાં આવી હતી. તેના જવાબમાં, ભારતે ૭ મેના રોજ ઓપરેશન સિંદૂર શરૂ કર્યું.
સૂત્રોએ જણાવ્યું છે કે પહેલગામ આતંકવાદી હુમલાનું આયોજન ISI અને આતંકવાદી સંગઠન લશ્કર-એ-તૈયબા દ્વારા કરવામાં આવ્યું હતું. અહેવાલ છે કે તેના સૂચનો પાકિસ્તાનના રાજકીય અને લશ્કરી અધિકારીઓ દ્વારા આપવામાં આવ્યા હતા. એ પણ પ્રકાશમાં આવ્યું છે કે આ ઘટનાને અંજામ આપવા માટે પાકિસ્તાની આતંકવાદીઓ ખાસ સામેલ હતા.
રિપોર્ટ અનુસાર, ISI એ લશ્કર કમાન્ડર સાજિદ જટ્ટને જમ્મુ અને કાશ્મીરમાં ફક્ત વિદેશી આતંકવાદીઓને તૈનાત કરવાનો નિર્દેશ આપ્યો હતો. ગુપ્તતા જાળવવા માટે કોઈ કાશ્મીરી આતંકવાદીને સામેલ કરવામાં આવ્યો ન હતો. આ હુમલો કરનાર જૂથનું નેતળત્વ સુલેમાન કરી રહ્યો હતો. તે પાકિસ્તાની સ્પેશિયલ ફોર્સનો ભૂતપૂર્વ કમાન્ડો હોવાની શંકા છે. તેણે વર્ષ ૨૦૨૨ માં જમ્મુમાં ઘૂસણખોરી કરતા પહેલા લશ્કરના મુરીદકે ઠેકાણા પર તાલીમ લીધી હતી
સેટેલાઇટ ફોન વિશ્લેષણને ટાંકીને, રિપોર્ટમાં કહેવામાં આવ્યું છે કે સુલેમાનનું સ્થાન ૧૫ એપ્રિલના રોજ ત્રાલમાં હતું. આ સૂચવે છે કે તે ઘટનાના લગભગ એક અઠવાડિયા પહેલા બૈસરન ખીણમાં હતો.(૩૮.૬)
(9:42 AM IST)
છેલ્લા 8 દિવસમાં સૌથી લોકપ્રિય 
