સ્પેનમાં ભૂકંપના ૬ આંચકાઃ એરપોર્ટની છત તુટી
નવી દીલ્હીઃ ગઇ કાલે સોમવારે સ્થાનિક સમય મુજબ સવારે ૭:૧૩ વાગ્યે દક્ષિણ સ્પેનમાં ૫.૨ ની તીવ્રતાનો શક્તિશાળી ભૂકંપ આવ્યો, જેણે કોસ્ટા ડેલ સોલ અને એલિકેન્ટે જેવા લોકપ્રિય પર્યટન સ્થળોને હચમચાવી દીધા.
ભૂકંપનું કેન્દ્ર અલ્મેરિયાથી માત્ર ૫૧ કિલોમીટર દૂર ભૂમધ્ય સમુદ્રમાં ૧૦ કિલોમીટરની ખૂબ જ છીછરી ઊંડાઈ પર હતું, જેના કારણે અસર વધુ તીવ્ર બની. ઇમારતો જોરદાર રીતે ધ્રુજતા જાગી ગયા ત્યારે ગર્જના સાંભળી હોવાનું જણાવ્યું હતું. ભૂકંપથી સાત પ્રાંતોના ૫૦ શહેરો પ્રભાવિત થયા હતા, જેમાં ગ્રેનાડા, માલાગા, મુર્સિયા અને અલ્બાસેટ સૌથી વધુ પ્રભાવિત થયા હતા. થોડા કલાકોમાં છ ભૂકંપ આવ્યા હતા, જેમાંથી સૌથી મજબૂત ૩.૪ ની તીવ્રતાનો હતો. દક્ષિણ સ્પેન અને ઉત્તર આફ્રિકામાં ભયભીત રહેવાસીઓએ ભૂકંપની જાણ કરતા ઇમરજન્સી સેવાઓને ૨૫ કોલ મળ્યા હતા.
ભૂકંપ દરમિયાન અલ્મેરિયા એરપોર્ટની છતનો એક ભાગ તૂટી પડયો, જેનાથી ધૂળનો મોટો વાદળ છવાઈ ગયો જેણે સવારની કોફી પીતા કર્મચારીઓને ચોંકાવી દીધા. ‘અમે અવાજો સાંભળ્યા, પછી એક જોરદાર વિસ્ફોટ થયો, તે ખરેખર ડરામણો હતો,' એક કર્મચારીએ સ્થાનિક મીડિયાને જણાવ્યું. જોકે, ચમત્કારિક રીતે કોઈ જાનહાનિ થઈ ન હતી.
(4:03 PM IST)
છેલ્લા 8 દિવસમાં સૌથી લોકપ્રિય 
