જ્યારે તેણે ફોન કર્યો ત્યારે તમે હોટલમાં કેમ ગયા
બળાત્કારનો આરોપ લગાવનારી મહિલા પર ગુસ્સે થઈ સુપ્રીમ કોર્ટ
નવી દિલ્હી, તા.૧૭: લગ્નનું ખોટું વચન આપીને બળાત્કાર સંબંધિત કેસમાં સુ-ીમ કોર્ટે એક મહત્વપૂર્ણ ચુકાદો આપ્યો છે. એક તરફ, સુપ્રીમ કોર્ટે આરોપીના આગોતરા જામીનને માન્ય રાખ્યા છે. તે જ સમયે, આરોપ લગાવનાર મહિલાને ઠપકો આપવામાં આવ્યો. સુપ્રીમ કોર્ટે મહિલાના લગ્નેત્તર સંબંધો પર સવાલ ઉઠાવ્યા છે. મહિલાએ આરોપીના આગોતરા જામીન રદ કરવાની માંગ કરતી અરજી દાખલ કરી હતી.
મીડિયા રિપોર્ટ્સ અનુસાર, આ અરજીની સુનાવણી જસ્ટિસ એમએમ સુંદરેશ અને જસ્ટિસ એન કોટેશ્વર સિંહની બેન્ચ દ્વારા કરવામાં આવી રહી હતી. કોર્ટે મહિલાને ચેતવણી આપી છે કે પરિણીત હોવા છતાં તેના પતિ સિવાય અન્ય કોઈ સાથે સંબંધ રાખવા બદલ પણ તેના પર કેસ ચાલી શકે છે. એવું પણ કહેવામાં આવ્યું છે કે તેણે લગ્ન બહાર સંબંધ બનાવીને ગુનો કર્યો છે.
કોર્ટમાં મહિલા વતી હાજર રહેલા વકીલે કહ્યું કે તે પુરુષ લગ્નનું ખોટું વચન આપીને મહિલા સાથે શારીરિક સંબંધ બાંધતો રહ્યો. આના પર કોર્ટે મહિલાને કહ્યું, તમે એક પરિણીત મહિલા છો અને તમારા બે બાળકો છે. તમે પરિપક્વ છો અને તમે સમજો છો કે તમે જે સંબંધ બનાવવા જઈ રહ્યા છો તે લગ્નની બહારનો છે.
વકીલે એમ પણ કહ્યું કે તે પુરુષે મહિલાને શારીરિક સંબંધ બાંધવા માટે ઘણી વખત હોટલમાં બોલાવી હતી. કોર્ટે કહ્યું, તમે તેના કહેવા પર વારંવાર હોટેલમાં કેમ ગયા? તમે સારી રીતે જાણો છો કે તમે પણ લગ્ન બહાર શારીરિક સંબંધો બનાવીને ગુનો કર્યો છે.
મહિલા અને આરોપી પુરુષ ૨૦૧૬ માં સોશિયલ મીડિયા દ્વારા મળ્યા હતા. ત્યારથી બંને રિલેશનશિપમાં છે. મહિલાએ આરોપ લગાવ્યો હતો કે તેણે તેના જીવનસાથીના દબાણમાં તેના પતિને છૂટાછેડા આપ્યા હતા, જેને ફેમિલી કોર્ટે ૬ માર્ચે મંજૂરી આપી હતી. જ્યારે મહિલાએ છૂટાછેડા પછી તરત જ તેની સાથે લગ્ન કરવા કહ્યું, ત્યારે તેણે ના પાડી દીધી.
આનાથી ગુસ્સે ભરાયેલી મહિલાએ બિહાર પોલીસમાં ફરિયાદ નોંધાવી. તેણીએ આરોપ લગાવ્યો હતો કે તે વ્યક્તિએ લગ્નનું ખોટું વચન આપીને તેનું જાતીય શોષણ કર્યું હતું. બાદમાં, જ્યારે મામલો કોર્ટમાં પહોંચ્યો, ત્યારે પટના હાઈકોર્ટે તે વ્યક્તિને જામીન આપ્યા. હાઈકોર્ટે શોધી કાઢયું હતું કે મહિલાના છૂટાછેડા પછી બંને કોઈ શારીરિક પ્રવળત્તિમાં સામેલ થયા નથી.
(3:49 PM IST)
છેલ્લા 8 દિવસમાં સૌથી લોકપ્રિય 
