તા. ૨૦ સપ્ટેમ્બર ર૦ર૫ વિક્રમ સંવત ર૦૮૧ ભાદરવો વદ – ૧૪ શનિવાર
ક્રિપ્ટો એક્સચેન્જ કોઈનડીસીએક્સ સાયબર હુમલોઃ રૂ.૩૭૮ કરોડનો ફટકો!
ગયા વર્ષે ક્રિપ્ટો એક્સચેન્જ વઝીરએક્સે ભારતમાં હેકર્સના હુમલાનો સામનો કરવો પડ્યો હતો, જેના કારણે ૨૩૦ મિલિયન અમેરિકન ડોલરથી વધુનું નુકસાન થયું હતું
નવી દિલ્હી,તા.૨૧: ભારતીય ક્રિપ્ટોકરન્સી એક્સચેન્જ કોઈનડીસીએક્સ પર સાયબર હુમલો થયો હતો. જેના પરિણામે ૪૪.૨ મિલિયન ડોલર અથવા ૩૭૮ કરોડ રૂપિયાની ચોરી થઈ છે.
જોકે કંપનીના સ્થાપકોએ ખાતરી આપી હતી કે ગ્રાહકોના ભંડોળની ચોરી થઈ નથી અને તેને સુરક્ષિત રાખવા માટે ‘એક્સ'ની મદદ લેવામાં આવી છે. આ ચોરી ફક્ત એક આંતરિક ઓપરેશનલ એકાઉન્ટ સુધી મર્યાદિત રહી હતી.
કંપનીએ એક રિપોર્ટમાં જણાવ્યું હતું કે કોઈનડીસીએક્સ દ્વારા કંપનીના ટ્રેઝરી રિઝર્વનો ઉપયોગ કરીને જોખમને હટાવવાનું કામ કરવામાં આવી રહ્યું છે. રિપોર્ટ અનુસાર, ૧૯ જુલાઈના રોજ, સવારે ૪ વાગ્યે કોઈનડીસીએક્સ સુરક્ષા સિસ્ટમોએ ભાગીદાર એક્સચેન્જ પરના તેના એક એકાઉન્ટમાં અનધિકૃત એક્સેસ સાથે સંકળાયેલી ઘટનાને શોધી કાઢી હતી જેના કારણે લગભગ ૪૪ મિલિયન અમેરિકન ડોલરનું નાણાકીય જોખમ ઉભું થયું હતું.
આ ઘટનાએ ફરી એકવાર ક્રિપ્ટોકરન્સીની અત્યંત અસ્થિર દુનિયામાં વધતા સુરક્ષા જોખમો પર પ્રકાશ પાડ્યો હતો. ગયા વર્ષે ક્રિપ્ટો એક્સચેન્જ વઝીરએક્સે ભારતમાં હેકર્સના હુમલાનો સામનો કરવો પડ્યો હતો, જેના કારણે ૨૩૦ મિલિયન અમેરિકન ડોલરથી વધુનું નુકસાન થયું હતું અને ભારતમાં આવી સૌથી મોટી ચોરીઓમાંની એક હતી. આ ચોરીના કારણે સલામતીના પગલાંની સંપૂર્ણ તપાસ કરવામાં આવી હતી અને લોકોની લાગણીઓને ઠેસ પહોંચી હતી.
કોઈનડીસીએક્સના સહ-સ્થાપક સુમિત ગુપ્તા અને નીરજ ખંડેલવાલે પરિસ્થિતિનો ઉકેલ લાવવા માટે સોશિયલ મીડિયા પ્લેટફોર્મ એક્સનો ઉપયોગ કર્યો હતો અને પુષ્ટી કરી હતી કે આ હુમલો એક જાટિલ સર્વર ઉલ્લંઘનનું પરિણામ હતું, જે ગ્રાહકોની સંપત્તિ રાખતા વોલેટ પર નહી પરંતુ એક આંતરિક વોલેટને લક્ષ્ય બનાવવામાં આવ્યું હતું. આ ઘટના સૌપ્રથમ બ્લોકચેન તપાસકર્તા ઝેકએક્સબીટી દ્વારા નોંધાઈ હતી, ત્યારબાદ એક્સચેન્જે આ ખુલાસો જાહેર કર્યો હતો.
આપણ વાંચોઃ અમેરિકાના પાકિસ્તાન તરફી નરમ વલણ મુદ્દે મોટો ખુલાસો, ડોનાલ્ડ ટ્રમ્પ અને અસીમ મુનીરની સિક્રેટ ડીલ ચર્ચામાં
ગુપ્તાએ જણાવ્યું હતું કે અમારા આંતરિક ઓપરેશનલ એકાઉન્ટ્સમાંથી એક જે ફક્ત ભાગીદાર એક્સચેન્જ પર લિક્વિડિટી પ્રોવિઝનિગ માટે ઉપયોગમાં લેવાય છે એક અત્યાધુનિક સર્વર ભંગને કારણે ચેડા કરવામાં આવ્યા હતા.
હું પુષ્ટી કરું છું કે ગ્રાહક સંપત્તિનો સંગ્રહ કરવા માટે ઉપયોગમાં લેવાતા વોલેટ્સ પર કોઈ અસર થઈ નથી અને તે સંપૂર્ણપણે સલામત છે. આનાથી અમારા ગ્રાહકોને કોઈ નુકસાન થશે નહીં. અમારી ટ્રેઝરી સંપત્તિમાંથી કુલ ૪૪ મિલિયન ડોલરનું નુકસાન થયું હતું. કોઈનડીસીએક્સ ટ્રેઝરી આ નુકસાન ભોગવશે
ભારતીય કમ્પ્યુટર ઇમરજન્સી રિસ્પોન્સ ટીમને આ ઘટના વિશે જાણ કરવામાં આવી છે. બે વૈશ્વિક સ્તરે પ્રતિષ્ઠિત સુરક્ષા એજન્સીઓ સાથે વિગતવાર ફોરેન્સિક તપાસ કરવામાં આવી રહી છે અને જાહેર લાભ માટે અહેવાલો શેર કરવામાં આવશે. કંપનીએ કહ્યું કે અમારી સેવાઓ સંપૂર્ણપણે કાર્યરત રહે છે. ટ્રેડિગ પ્રવૃત્તિ, આઇએનઆર ડિપોઝિટ અને આઇએનઆર ઉપાડ કરી શકાય છે.
(9:48 AM IST)
છેલ્લા 8 દિવસમાં સૌથી લોકપ્રિય 
