એક ધડ, બે માથા...ઇન્દોરમાં અનોખા જોડિયા બાળકનો જન્મ
ડોકટર પણ આશ્ચર્યચકિત થઇ ગયા
ઇન્દોર, તા.૨૪: ઘણીવાર આપણે એક ધડ અને બે કે તેથી વધુ માથાવાળા દેવી-દેવતાઓના ચિત્રો જોઈએ છીએ. બ્રહ્માજીને ચાર માથા હોવાનું કહેવાય છે. આમાંથી એક માથું ભગવાન શિવે કાપી નાખ્યું હતું. રાવણ વિશે એવું પણ વર્ણન છે કે તેના ૧૦ માથા હતા. પરંતુ ઇન્દોરમાં એક એવી ઘટના બની છે જે ચર્ચાનો વિષય બની ગઈ છે. ઇન્દોરની એક હોસ્પિટલમાં બે માથાવાળા નવજાત બાળકનો જન્મ થયો. એક શરીર અને બે માથાવાળા અનોખા જોડિયા બાળકોના જન્મથી ડોક્ટરો પણ આશ્ચર્યચકિત છે.
ડોક્ટરો કહે છે કે લગભગ દર મહિને મહિલાની તપાસ કરવા છતાં, ડોકટરોને ગર્ભાશયમાં ઉછરતા આ બાળકો વિશે કેવી રીતે ખબર ન પડી શકે. એવું કહેવાય છે કે આ બાળકોનો જન્મ MTH હોસ્પિટલમાં ઓપરેશન દ્વારા થયો હતો. મહિલાને હોસ્પિટલના ઇમરજન્સી યુનિટમાં દાખલ કરવામાં આવી હતી. નવજાત શિશુ હાલમાં હોસ્પિટલના બાળરોગ વિભાગમાં દાખલ છે.
હોસ્પિટલનું કહેવું છે કે તેમને હાલમાં ફત્ઘ્શ્માં નિરીક્ષણ હેઠળ રાખવામાં આવ્યા છે. બંને બાળકો ડોકટરોની દેખરેખ હેઠળ છે. બંને સ્વસ્થ છે. એમટીએચ હોસ્પિટલના ડો. અનુપમાએ જણાવ્યું કે દેવાસના રહેવાસી વીર સિંહ ભીલાલાની ૨૨ વર્ષીય પત્ની રૂસાને દેવાસથી હોસ્પિટલમાં રિફર કરવામાં આવી હતી. બુધવારે તેણીને પ્રસૂતિ પીડા થયા પછી, ડૉક્ટરે તેનું ઓપરેશન કરવાનું નક્કી કર્યું.
જ્યારે ડોકટરોએ ઓપરેશન દરમિયાન બાળકને જોયું ત્યારે તેઓ આશ્ચર્યચકિત થઈ ગયા. બે બાળકો હતા પણ તેમનું ધડ એક જ હતું. ડોક્ટરોએ જણાવ્યું હતું કે આ બે માથાવાળા નવજાત શિશુનું ઓપરેશન ખૂબ જટિલ હતું. બાળકોના જન્મ પછી, આ અનોખો કેસ જોઈને, ડોક્ટરોએ તેમના ઉપરી અધિકારીઓને જાણ કરવાનું નક્કી કર્યું. ડૉ. અનુપમાએ જણાવ્યું કે હોસ્પિટલના વરિષ્ઠ અધિકારીઓને ઘટના વિશે જાણ કરવામાં આવી હતી.
આવા નવજાત શિશુના જન્મથી ડોક્ટરો આશ્ચર્યચકિત છે. ડોક્ટરોનું કહેવું છે કે ગર્ભવતી મહિલાની ડિલિવરી પહેલા તપાસ કરવામાં આવી હતી. નવાઈની વાત એ છે કે સોનોગ્રાફીમાં ડોક્ટરોને આ કેમ ન દેખાયું. હોસ્પિટલ કહે છે કે આ એક અનોખો કિસ્સો છે. હાલ બાળકો સ્વસ્થ છે પણ આગળ કંઈ કહી શકાય નહીં. આ કારણોસર તેમને નિરીક્ષણ હેઠળ રાખવામાં આવ્યા છે. ડોક્ટરોની ટીમ સતત દેખરેખ રાખી રહી છે.
(10:49 AM IST)
છેલ્લા 8 દિવસમાં સૌથી લોકપ્રિય 
