દુનિયામાં સદીનું સૌથી મોટું સૂર્યગ્રહણઃ સંપૂર્ણ અંધકાર છવાશે
લંડન તા.૨૪: વૈજ્ઞાનિકોએ શોધી કાઢયું છે કે ૨ ઓગસ્ટ, ૨૦૨૭ ના રોજ, એવું સૂર્યગ્રહણ થવાનું છે, જેના પરિણામે ઓછામાં ઓછા ૧૦ દેશોમાં દિવસ દરમિયાન રાત્રિ જેવો નજારો જોવા મળશે. અહેવાલો અનુસાર, એક દુર્લભ પૂર્ણ સૂર્યગ્રહણ યુરોપ, ઉત્તર આફ્રિકા અને મધ્ય પૂર્વના કેટલાક ભાગોમાં દેખાશે. વૈજ્ઞાનિકોએ તેને એક અસાધારણ ઘટના ગણાવી છે. સૌથી ખાસ વાત એ છે કે આ સૂર્યગ્રહણનો સમયગાળો પણ ઘણો લાંબો રહેશે. વૈજ્ઞાનિકોનો અંદાજ છે કે આ સૂર્યગ્રહણ લગભગ ૬ મિનિટ અને ૨૩ સેકન્ડ સુધી ચાલશે. બ્રિટિશ અખબાર મેટ્રો અનુસાર, આ ૧૯૯૧ થી ૨૧૧૪ ની વચ્ચે પળથ્વી પરથી દેખાતા સૌથી લાંબા કુલ સૂર્યગ્રહણમાંનું એક હશે. વૈજ્ઞાનિકોએ તેને આ સદીની એક મહત્વપૂર્ણ ખગોળીય ઘટના ગણાવી છે.
મેટ્રોના અહેવાલ મુજબ, વર્ષ ૨૦૨૭નું પૂર્ણ સૂર્યગ્રહણ એક દુર્લભ ઘટના હશે, જેમાં સૂર્ય સંપૂર્ણપણે ચંદ્ર પાછળ છુપાઈ જશે. એવું બહાર આવ્યું છે કે આ સૂર્યગ્રહણ દરમિયાન, એક એવો સમય આવશે જ્યારે સૂર્ય બિલકુલ દેખાશે નહીં અને પળથ્વી પર સંપૂર્ણપણે રાત્રિ જેવો નજારો જોવા મળશે. તે સમયે, ચંદ્ર સૂર્યના કિરણોને પળથ્વી પર પહોંચતા સંપૂર્ણપણે રોકી દેશે, અને જે દેશોમાં સૂર્યગ્રહણ થશે, ત્યાં દરેક દેશમાં એક પછી એક રાત્રિ જેવું દ્રશ્ય સર્જાશે. આનાથી દિવસના આકાશમાં થોડા સમય માટે સંપૂર્ણ અંધકાર છવાઈ જશે.
વૈજ્ઞાનિકોના મતે, આ સૂર્યગ્રહણની અસર મોરોક્કો, અલ્જીરિયા, ટયુનિશિયા, લિબિયા, ઇજિપ્ત, સુદાન, સાઉદી અરેબિયા, યમન અને સોમાલિયા સહિત ઘણા દેશોમાં દેખાશે. હાલમાં, ભારતમાં આ સૂર્યગ્રહણ દેખાવાની કોઈ શકયતા નથી. રોયલ મ્યુઝિયમ ગ્રીનવિચના વરિષ્ઠ ખગોળશાષાી સામાન્ય રીતે, કુલ સૂર્યગ્રહણ થોડી સેકન્ડથી ૪-૫ મિનિટ સુધી ચાલે છે, પરંતુ ૨૦૨૭ નું આ ગ્રહણ ૬ મિનિટથી વધુ ચાલશે. તેમણે કહ્યું, સૂર્ય અને ચંદ્ર વચ્ચેના અંતરમાં સતત થોડો ફેરફાર થાય છે, જેના કારણે ગ્રહણનો સમયગાળો બદલાઈ શકે છે.
તમને જણાવી દઈએ કે જ્યારે ચંદ્ર પળથ્વી અને સૂર્યની વચ્ચે આવે છે અને સૂર્યપ્રકાશને સંપૂર્ણપણે ઢાંકી દે છે, ત્યારે પૂર્ણ સૂર્યગ્રહણ થાય છે. આ ફક્ત અમાસના દિવસે જ શકય છે અને તે પછી પણ, જ્યારે ચંદ્રની ભ્રમણકક્ષા અને પળથ્વીની સ્થિતિ એક સીધી રેખામાં હોય. સૂર્યગ્રહણ ત્રણ પ્રકારના હોય છે. પૂર્ણ સૂર્યગ્રહણ દરમિયાન, ચંદ્ર સૂર્યને સંપૂર્ણપણે ઢાંકી દે છે. આંશિક સૂર્યગ્રહણ દરમિયાન, સૂર્યનો એક ભાગ ઢંકાઈ જાય છે. જ્યારે વલયાકાર સૂર્યગ્રહણ દરમિયાન, ચંદ્ર નાનો દેખાય છે અને સૂર્ય એક તેજસ્વી અગ્નિની વલય બનાવે છે.
(12:04 PM IST)
છેલ્લા 8 દિવસમાં સૌથી લોકપ્રિય 
