ઉદ્ધવને જન્મદિનની શુભેચ્છા આપવા રાજ ઠાકરે માતોશ્રી ગયા
બે ભાઈ વચ્ચેની મુલાકાતને રાજકીય લ્લષ્ટિથી મૂલવવાની જરૂર નથીઃ દેવેન્દ્ર ફડણવીસ
મુંબઈ,તા.૨૮: મહારાષ્ટ્રમાં ખૂબ ઝડપથી બદલાઈ રહેલા રાજકીય સમીકરણોની વચ્ચે શિવસેના (યુબીટી)ના નેતા ઉદ્ધવ ઠાકરેને ૬૫માં જન્મદિન નિમિત્તે મહારાષ્ટ્ર નવનિર્માણ સેનાના વડા રાજ ઠાકરેએ શુભેચ્છા મુલાકાત લીધી હતી. મુંબઈ મ્યુનિસિપલ કોર્પોરેશનની આગામી ચૂંટણી સંદર્ભે બે પિતરાઈ ભાઈઓ વચ્ચેની આ મુલાકાતનું રાજકીય મહત્ત્વ વધી ગયું છે ત્યારે મહારાષ્ટ્રના મુખ્યમંત્રી દેવેન્દ્ર ફડણવીસે બે ભાઈઓ વચ્ચેની આ મુલાકાતને રાજકીય લ્લષ્ટિએ નહીં મૂલવવા સલાહ આપી છે.
રાજ ઠાકરે દાદર ખાતે પોતાના નિવાસ સ્થાન શિવતીર્થથી બાંદ્રા ખાતે ઉદ્ધવના ઘરે ‘માતોશ્રી' ખાતે ગયા હતા. શિવસેનાના સાંસદ સંજય રાઉત સાથે ઉદ્ધવે પોતાના ભાઈને ‘માતોશ્રી'માં આવકાર્યા હતા.
રાજે એક્સ પોસ્ટમાં જણાવ્યું હતું કે, મારા મોટાભાઈ અને શિવસેનાના વડા ઉદ્ધવ ઠાકરેના જન્મદિને સ્વ. બાલાસાહેબ ઠાકરેના નિવાસ સ્થાન માતોશ્રીની મુલાકાત લીધી હતી. રાજ ઠાકરેએ ઉદ્ધવ સાથેની મુલાકાતનો ફોટોગ્રાફ પણ શેર કર્યો હતો, જેના બેકગ્રાઉન્ડમાં બાલ ઠાકરેનું પોટ્રેટ જોવા મળે છે. ઉદ્ધવે કહ્યું હતું કે રાજ ઠાકરે સાથે મુલાકાત બાદ તેમનો આનંદ અનેકગણો બેવડાયો છે.(૪૦.૫)
(10:07 AM IST)
છેલ્લા 8 દિવસમાં સૌથી લોકપ્રિય 
