બેંગલુરુ, કર્ણાટક 28 જુલાઈ 2025: ભારતીય શતરંજ જગત માટે એક ઐતિહાસિક અને અત્યંત ગર્વપૂર્ણ ક્ષણ! 2025ના FIDE મહિલા વર્લ્ડ કપમાં ભારતની ઉભરતી સ્ટાર, યુવા અને તેજસ્વી ચેસ ખેલાડી દિવ્યા દેશમુખે ચેમ્પિયનનો ભવ્ય ખિતાબ જીતી લીધો છે! આ વિજય એટલા માટે પણ ખાસ છે કારણ કે, આ 'ઓલ-ઇન્ડિયા' ફાઇનલમાં દિવ્યાએ અનુભવી અને દિગ્ગજ ભારતીય ચેસ ખેલાડી કોનેરુ હમ્પીને હરાવીને આ સિદ્ધિ મેળવી છે.
 
ભારતના ચેસ ઇતિહાસમાં દિવ્યાનું નામ સુવર્ણ અક્ષરે અંકિત!
આ જીત સાથે, દિવ્યા દેશમુખે માત્ર વર્લ્ડ કપ ચેમ્પિયનશિપ જ નથી જીતી, પરંતુ તે ભારતની ચોથી મહિલા ગ્રાન્ડમાસ્ટર (GM) પણ બની ગઈ છે! આ પહેલા, કોનેરુ હમ્પી, આર. વૈશાલી અને હરિકા દ્રોણાવલ્લીએ આ ગ્રાન્ડમાસ્ટરનો પ્રતિષ્ઠિત ખિતાબ હાંસલ કર્યો હતો. દિવ્યાના આ પરાક્રમે ભારતીય શતરંજમાં એક નવો અધ્યાય ઉમેર્યો છે અને યુવા પેઢી માટે પ્રેરણાનું ઉત્તમ ઉદાહરણ પૂરું પાડ્યું છે.

દિવ્યા દેશમુખે પોતાની અદભુત રમત, વ્યૂહાત્મક સૂઝ અને દ્રઢ નિશ્ચયથી વિશ્વના સૌથી મોટા મંચ પર પોતાની કાબેલિયત સાબિત કરી છે. સમગ્ર ભારતમાં અને વિશ્વભરમાં રહેતા ગુજરાતીઓ સહિત તમામ ભારતીયો માટે આ એક ગૌરવપૂર્ણ ક્ષણ છે. દિવ્યાને આ ઐતિહાસિક જીત બદલ ખૂબ ખૂબ અભિનંદન!