નવી દિલ્‍હી,તા.૨૯: આજે વહેલી સવારે આંદામાન અને નિકોબાર ટાપુઓ પર ૬.૨ ની તીવ્રતાનો ભૂકંપ આવ્‍યો. જર્મન રિસર્ચ સેન્‍ટર ફોર જીઓસાયન્‍સિસ (જીએફઝેડ) અનુસાર, ભૂકંપ ૧૦ કિલોમીટરની ઊંડાઈએ આવ્‍યો હતો. હાલમાં, કોઈ નુકસાન કે જાનહાનિના સમાચાર નથી. આંદામાન સમુદ્ર ભૂકંપની દ્રષ્ટિએ સક્રિય વિસ્‍તાર છે, તેથી ભૂકંપ સામાન્‍ય છે. દિલ્‍હી-એનસીઆરમાં તાજેતરના ભૂકંપના લગભગ બે અઠવાડિયા પછી આ ઘટના બની છે.

વહેલી સવારે આંદામાન અને નિકોબાર ટાપુઓમાં ભૂકંપના તીવ્ર આંચકા અનુભવાયા હતા. આ સમયગાળા દરમિયાન ભૂકંપની તીવ્રતા રિક્‍ટર સ્‍કેલ પર ૬ થી વધુ હતી. જોકે, તીવ્ર ભૂકંપ છતાં, કોઈ જાનમાલનું નુકસાન થયું નથી. જોકે, આ ભૂકંપથી લોકો ડરી ગયા છે.

આંદામાન સમુદ્ર અને તેની આસપાસના ટાપુ વિસ્‍તારો ભૂકંપ માટે અત્‍યંત સંવેદનશીલ માનવામાં આવે છે. અહીં લોકો વારંવાર ભૂકંપના આંચકા અનુભવે છે. જુલાઈ મહિનામાં દેશભરમાં ઘણી જગ્‍યાએ ભૂકંપના આંચકા અનુભવાયા હતા. દેશની રાજધાની દિલ્‍હીમાં જ જુલાઈ મહિનામાં ત્રણ વાર ભૂકંપના આંચકા અનુભવાયા હતા. સતત આવતા ભૂકંપોએ લોકો, નિષ્‍ણાતો અને આપત્તિ વ્‍યવસ્‍થાપન એજન્‍સીઓને સતર્ક કરી દીધા છે.