નવી દિલ્‍હી, તા.૪: જો બધું બરાબર રહ્યું, તો એ દિવસ દૂર નથી જ્‍યારે ઘણી બધી એપ્‍સનો લાભ ડાઉનલોડ કર્યા વિના પણ મેળવી શકાશે. AI ટૂલ્‍સ ફોન પર હાઇપર સ્‍પીડ સાથે આપમેળે કામ કરશે અને ઘણા કાર્યો તાત્‍કાલિક પૂર્ણ થશે. ૬G AI નેટિવ નેટવર્કથી આ બધું શકય બનશે. કેન્‍દ્રીય સંચાર મંત્રાલયે તેની તૈયારી શરૂ કરી દીધી છે. આ ૬G AI નેટિવ નેટવર્ક AIનું આગલું સ્‍તર હશે, જેમાં AI ને નેટર્વકિંગ ટૂલ્‍સમાં જ સમાવવામાં આવશે. આવી સ્‍થિતિમાં, મોબાઇલમાં અલગ AI એપ્‍લિકેશન ડાઉનલોડ કરવાની અથવા ઉપયોગ કરવાની ફરજ સમાપ્ત થશે અને AI ટૂલ્‍સ આપમેળે કાર્ય કરશે. કેન્‍દ્રીય સંચાર મંત્રાલયે ૨૦૨૭ માં યોજાનારી ૬G નેટવર્કની બેન્‍ડ-મોડેલ કોન્‍ફરન્‍સ માટે રોડમેપ તૈયાર કરીને કામ શરૂ કરી દીધું છે. ટેકનોલોજી ઇનોવેશન ગ્રુપ હેઠળ છ ટીમોની રચના કરવામાં આવી છે. આ ટીમોએ નેટર્વકિંગ ડિઝાઇન અને ગ્રાઉન્‍ડ ઇન્‍ફ્રાસ્‍ટ્રક્‍ચર પર વિચાર-વિમર્શ શરૂ કરી દીધો છે. નોંધનીય છે કે પીએમ નરેન્‍દ્ર મોદીએ ૨૦૩૦ સુધીમાં ભારતમાં ૬G નેટવર્ક લાવવાનું અને અગ્રણી રહેવાનું લક્ષ્ય રાખ્‍યું છે.

કેન્‍દ્ર સરકારે ફિનલેન્‍ડ સહિત કેટલાક દેશો સાથે કરાર પર હસ્‍તાક્ષર કર્યા છે. ફિનલેન્‍ડના નિષ્‍ણાતો સાથે સંશોધન કાર્ય ચાલી રહ્યું છે. સંચાર મંત્રાલય રોડમેપના આધારે ૨૦૩૦ સુધીના પગલાં નક્કી કરી રહ્યું છે. આમાં નેટવર્ક, ઇન્‍ફ્રાસ્‍ટ્રક્‍ચર અને સ્‍પેક્‍ટ્રમનો સમાવેશ થાય છે.

ટેલિકોમ કંપનીઓના સંશોધન, ટેકનોલોજી અને સ્‍પેક્‍ટ્રમ પ્રક્રિયાઓ નિરીક્ષણ હેઠળ છે. કેટલીક કંપનીઓએ દસ્‍તાવેજો તૈયાર કર્યા છે. આમાં, ૬G નેટવર્ક દ્વારા સિસ્‍ટમ બદલવાથી લઈને સ્‍પીડ અને AI અપડેટ સુધીની સુવિધાઓ પર કન્‍સેપ્‍ટ નોટ્‍સ બનાવવામાં આવી છે.

દેશના ઘણા વિસ્‍તારોમાં સ્‍પેક્‍ટ્રમ માટે ટાવર અપગ્રેડેશનનું કામ શરૂ થઈ ગયું છે. ફિનલેન્‍ડ ટીમ સાથે કેન્‍દ્ર સરકારના અધિકારીઓ અને નિષ્‍ણાતોની ઘણી બેઠકો યોજાઈ છે.

આ  ફાયદાઓ હશેઃ ૧.હોલોગ્રાફિક અને ઇમર્સિવ વર્ચ્‍યુઅલ કોમ્‍યુનિકેશન વધશે. ૨.વર્ચ્‍યુઅલ દુનિયામાં વાસ્‍તવિક સંચાર સેવા વધશે. ૩.AI સુવિધાઓ અપડેટ કરવામાં આવશે. સ્‍માર્ટ સિટી સુવિધાઓ (જેમ કે ટ્રાફિક, કચરો નિકાલ) વધશે. ૪. મેડિકલમાં માઇક્રો વર્ચ્‍યુઅલ સર્જરી શકય બનશે.

૫ડ્રોન ટેકનોલોજી અપગ્રેડ કરવામાં આવશે. સર્વેલન્‍સ અપડેટ આવશે. ૬ રોબોટિક્‍સ અને AI અપગ્રેડ ઉદ્યોગ મશીનરીને સ્‍માર્ટ બનાવશે.

૫G એ દેશમાં અપેક્ષા મુજબ અસર દર્શાવી નથી. હાલમાં પણ ૫G ની ગતિ વ્‍યવહારીક રીતે ઓછી છે. આ ઉપરાંત, દેશના ઘણા ભાગોમાં, ખાસ કરીને ગ્રામીણ અને આદિવાસી વિસ્‍તારોમાં ૫G સ્‍થગિત છે. હાલમાં ૫G નેટવર્ક પણ ફેરફારના તબક્કામાં છે. તેથી, ૬G નેટવર્કની વાત કરવી દૂરની લાગે છે.