આરોપીની વર્તણૂકથી તેને દોષિત ઠેરવી શકાય નહીં: પુરાવા હોવા જોઈએઃ સુપ્રીમ
કોર્ટે પૂરતા અને વિશ્વસનીય પુરાવાના અભાવે હત્યાના કેસમાં આરોપીને નિર્દોષ છોડી મૂકવાનો હુકમ કર્યો
નવી દિલ્હી તા.૬: સુપ્રીમ કોર્ટે પૂરતા અને વિશ્વસનીય પુરાવાના અભાવે હત્યાના કેસમાં આરોપીને નિર્દોષ છોડી મૂકવાનો હુકમ કર્યો હતો. સુપ્રીમ કોર્ટે ઠરાવ્યું હતું કે, વિશ્વસનીય અને પૂરતા પુરાવા ન હોય ત્યારે માત્ર આરોપીની વર્તૂણકના આધારે તેને દોષી ઠેરવવાનું ઉચિત નથી. સુપ્રીમ કોર્ટે છત્તીસગઢ હાઈકોર્ટના હુકમને ક્ષતિપૂર્ણ ઠરાવ્યો હતો.
પ્રસ્તુત કેસમાં આરોપીને હત્યાના કેસમાં ટ્રાયલ કોર્ટે દોષિત ઠેરવ્યો હતો, પરંતુ હાઈકોર્ટે ટ્રાયલ કોર્ટના હુકમમાં સુધારો કરી આરોપીને હત્યાના બદલે કલ્પેબલ હોમિસાઈડ બદલ કસૂરવાર ઠરાવ્યો હતો. હાઈકોર્ટના આ હુકમ સામે સુપ્રીમ કોર્ટના જાસ્ટિસ જે બી પારડીવાલા અને આર મહાદેવનની બેન્ચ સમક્ષ આ કેસની સુનાવણી હાથ ધરાઈ હતી.
સુપ્રીમ કોર્ટે ઠરાવ્યુ હતું કે, હાઈકોર્ટે રેકોર્ડ પરના તબીબી પુરાવાની વિગતવાર છણાવટ કરી હતી અને તેને અરજદારે પોતે જ નોંધાવેલી ફરિયાદ સાથે સાંકળી લીધા હતા. પુરાવાઓને નિષ્ણાત સાક્ષીના બયાન સમાન ગણી શકાય. માત્ર તેના આધારે કોઈને હત્યા માટે દોષિત ઠેરવી શકાય નહીં. ફરિયાદી અરજદારે વર્ષ ૨૦૧૯માં ફરિયાદ નોંધાવી હતી. આ કેસમાં ફરિયાદીની વર્તણૂકને અન્ય સાંયોગિક તથા સીધા પુરાવા સાથે સાંકળીને હાઈકોર્ટે નિર્ણય લેવો જોઈએ, પરંતુ હાઈકોર્ટે માત્ર અરજદારની વર્તણૂક ધ્યાને રાખી છે. સૌથી પહેલા આ કેસમાં આરોપીએ ગુનો કર્યો છે કે નહીં તે જોવું જોઈએ. આ સવાલનો જવાબ હકારાત્મક આવે તો આગામી તબક્કામાં આઈપીસીની કલમ ૩૦૦ હેઠળ વિચારણા થવી જોઈએ.(૩૮.૭)
(9:48 AM IST)
છેલ્લા 8 દિવસમાં સૌથી લોકપ્રિય 
