બીજીંગ, તા.૬: કોરોના પછી, ચીનમાં ચિકનગુનિયાનો પ્રકોપ ચાલુ રહ્યો છે. અહીંના ગુઆંગડોંગ શહેરમાં લગભગ ૭૦૦૦ ચિકનગુનિયાના દર્દીઓ મળી આવ્‍યા છે. જોકે, ચીનના ફોહશાન શહેરમાં ચિકનગુનિયા અંગે પણ ચેતવણી જારી કરવામાં આવી છે. અહીંના દર્દીઓને તેમના મેડિકલ રિપોર્ટ નેગેટિવ આવે ત્‍યાં સુધી હોસ્‍પિટલમાં રહેવાની સૂચના આપવામાં આવી છે. રવિવારે એક નોટિસ પણ જારી કરવામાં આવી છે, જે હેઠળ શહેરના તમામ ફાર્મા સ્‍ટોર્સને ચિકનગુનિયાની દવા લેતા લોકોની યાદી બનાવવાનો આદેશ પણ આપવામાં આવ્‍યો છે.

ડેટા દર્શાવે છે કે ચીનમાં ૭૦%  વિસ્‍તારો હજુ પણ ચિકનગુનિયાથી પ્રભાવિત છે. ઉપરાંત, હોંગકોંગમાં એક ચેપગ્રસ્‍ત વ્‍યક્‍તિ મળી આવ્‍યો છે જેને એક શહેરથી બીજા શહેરમાં સ્‍થાનાંતરિત કરવામાં આવ્‍યો છે. આવી સ્‍થિતિમાં, એવી શકયતાઓ છે કે કોરોનાની જેમ, તે પણ ફેલાવાનું શરૂ કરી શકે છે.

ચિકનગુનિયા એક વાયરલ તાવ છે, જે મચ્‍છરોથી થાય છે. આમાં, એડીસ એજીપ્તી અને એડીસ આલ્‍બોપિક્‍ટસ નામના મચ્‍છર માણસોને કરડે છે. આ તાવ મુખ્‍યત્‍વે વરસાદની ઋતુમાં લોકોને અસર કરે છે. જોકે, આ તાવ ભારતમાં પહેલાથી જ સક્રિય છે, તેથી તેનો પ્રકોપ અહીં ફેલાતો અટકાવવો ખૂબ જ મહત્‍વપૂર્ણ બની ગયું છે. ચીનમાં ચિકનગુનિયાની અસર ઓછી છે.

ચિકનગુનિયા થતાં લોકોને સાંધા અને તાાયુઓમાં દુખાવો થાય છે. આ તાવનું પહેલું લક્ષણ છે. આ પછી, હાથમાં દુખાવો અને શરીરમાં જડતા શરૂ થાય છે. કાંડા, પગની ઘૂંટી અને ઘૂંટણમાં દુઃખાવો થાય છે. આ સાથે, થાક અને ત્‍વચા પર લાલ ફોલ્લીઓ પણ તેના લક્ષણો હોઈ શકે છે.