લંડન: ગૂગલના CEO અને ક્રિકેટપ્રેમી સુંદર પિચાઈએ ભારત અને ઈંગ્લેન્ડ વચ્ચેની ઓવલ ટેસ્ટ મેચ દરમિયાન કોમેન્ટરી બોક્સમાં અચાનક હાજરી આપીને સૌને ચોંકાવી દીધા હતા. પિચાઈએ જાણીતા કોમેન્ટેટર હર્ષા ભોગલે સાથે માઇક શેર કરીને ક્રિકેટ પ્રત્યેના તેમના પ્રેમને વ્યક્ત કર્યો.

આ કોમેન્ટરી દરમિયાન, પિચાઈએ ચાલુ ટેસ્ટ શ્રેણીમાં ભારતીય ટીમની મજબૂત રમતની પ્રશંસા કરી. તેમણે કહ્યું, "ખૂબ જ સરસ શ્રેણી રહી છે. બંને ટીમો વચ્ચેની લડાઈ ખરેખર ગમી. આ સમયે, હું કહીશ કે શ્રેણી 2-2 પર સમાપ્ત થશે."
 
ભારતીય ક્રિકેટર્સ સાથે મુલાકાત
આ પ્રસંગે, ભારતીય ટેસ્ટ ક્રિકેટર ચેતેશ્વર પૂજારાએ પણ પિચાઈ અને તેમના પુત્ર કિરણ સાથેની મુલાકાતની તસવીર ટ્વિટર પર શેર કરી. પૂજારાએ લખ્યું, "સુંદર પિચાઈ અને તેમના પુત્ર કિરણને મળીને અને તેમને કોમેન્ટરી બોક્સમાં જોઈને આનંદ થયો. રમત પ્રત્યેનો તેમનો પ્રેમ જોઈને ખૂબ આનંદ થયો!"