નવી દિલ્‍હી, તા.૧૨: ભાજપના નેતા અને અભિનેતા મિથુન ચક્રવર્તીએ પાકિસ્‍તાનને ખુલ્લી ચેતવણી આપી છે. તાજેતરમાં જ સિંધુ જળ સંધિ પર પાકિસ્‍તાની નેતા બિલાવલ ભુટ્ટોના કથિત નિવેદન પર મિથુન ચક્રવર્તીનું નિવેદન આવ્‍યું છે. તેમણે ચેતવણી આપી હતી કે, ... જો તમે આવી વાતો કહેતા રહેશો અને આપણી ઝૂંપડીઓ ડૂબી જશે, તો બ્રહ્મોસ એક પછી એક દોડશે. અમે એક ડેમ બનાવવાનું પણ વિચાર્યું છે, જ્‍યાં ૧૪૦ કરોડ લોકો પેશાબ કરશે. તે પછી, અમે ડેમ ખોલીશું, અને સુનામી આવશે. મને પાકિસ્‍તાનના લોકો સામે કંઈ નથી. બિલાવલ ભુટ્ટોના નિવેદનનો મિથુન ચક્રવર્તીએ પલટવાર કર્યો છે.

પાકિસ્‍તાનના આર્મી ચીફની સાથે, ઘણા નેતાઓ પણ ભારતને ધમકી આપી રહ્યા છે. આર્મી ચીફ અસીમ મુનીર પછી, હવે ભૂતપૂર્વ વિદેશ પ્રધાન બિલાવલ ભુટ્ટોએ ભારત વિશે ઝેર ઓકયું છે. બિલાવલે કહ્યું છે કે જો ભારત સિંધુ પર ડેમ બનાવશે, તો યુદ્ધ થશે. હવે બિલાવલ ભુટ્ટોના નિવેદન પર ભાજપ નેતા અને અભિનેતા મિથુન ચક્રવર્તીનું નિવેદન સામે આવ્‍યું છે.

ભાજપ નેતા મિથુન ચક્રવર્તીએ બિલાવલ ભુટ્ટોના નિવેદન પર કહ્યું છે કે અમે પાકિસ્‍તાનના લોકો વિશે કંઈ કહેવા માંગતા નથી, ત્‍યાંના લોકો સારા છે, તેઓ યુદ્ધ ઇચ્‍છતા નથી. પણ જો તેઓ આવી વાતો કહેતા રહેશે અને તેમનું માથું ફરતું રહેશે, તો બ્રહ્મોસ એક પછી એક ગોળીબાર કરશે. અમે એક બંધ બનાવવાનું પણ વિચાર્યું છે, જ્‍યાં ૧૪૦ કરોડ લોકો પેશાબ કરશે. તે પછી અમે બંધ ખોલીશું. આ પછી, કોઈ ગોળી નહીં ચલાવવામાં આવે, પણ સુનામી આવશે. મને પાકિસ્‍તાનના લોકો સામે કંઈ નથી. મેં આ બધું તેમના (બિલાવલ ભુટ્ટો) માટે કહ્યું છે.