નવી દિલ્‍હી, તા.૧૨: સ્‍થાનિક શેરબજારમાં ઘણા દિવસોના ઘટાડા પછી, સોમવારે સારો ઉછાળો જોવા મળ્‍યો. આ વધારાથી અદાણી ગ્રુપના ચેરમેન ગૌતમ અદાણીને સૌથી વધુ ફાયદો થયો. બ્‍લૂમબર્ગ બિલિયોનેર ઇન્‍ડેક્‍સ અનુસાર, અદાણીની કુલ સંપત્તિ ૫.૭૪ બિલિયન એટલે કે લગભગ રૂ.૫,૦૩,૦૧,૫૭,૧૬,૦૦૦ વધીને ૭૯.૭ બિલિયન થઈ ગઈ. આ સાથે, તેમણે વિશ્વના ટોચના ૨૦ સૌથી ધનિક લોકોની યાદીમાં ધમાકેદાર વાપસી કરી છે. આ વર્ષે ભારત અને એશિયાના બીજા સૌથી ધનિક વ્‍યક્‍તિની કુલ સંપત્તિમાં ૧.૦૧ બિલિયનનો વધારો થયો છે.

સોમવારે, કમાણીની દ્રષ્ટિએ ફક્‍ત એલોન મસ્‍ક અદાણીથી આગળ હતા. વિશ્વના સૌથી ધનિક વ્‍યક્‍તિની કુલ સંપત્તિમાં ૬.૬૯ બિલિયનનો વધારો થયો. આ સાથે, તેમની કુલ સંપત્તિ ઼૩૭૮ બિલિયન થઈ ગઈ. આ વર્ષે તેમની કુલ સંપત્તિમાં ૫૪.૫ બિલિયનનો ઘટાડો થયો છે. ઓરેકલના સ્‍થાપક લેરી એલિસન ૩૦૫ બિલિયનની કુલ સંપત્તિ સાથે આ યાદીમાં બીજા ક્રમે છે. સોમવારે, તેમની કુલ સંપત્તિમાં ૩.૩૦ બિલિયનનો વધારો થયો. જોકે, આ વર્ષે તેમની કુલ સંપત્તિમાં ૧૧૩ બિલિયનનો સૌથી વધુ વધારો થયો છે.