તા. ૨૮ નવેમ્બરે ર૦ર૫ વિક્રમ સંવત ર૦૮૨ માગશર સુદ – ૮ શુક્રવાર
યુવકે પોતાના શરીર પર ૫૫૯ શહીદો અને સ્વાતંત્ર્ય સેનાનીઓના નામના ટેટૂ-ચિત્રો દોરાવ્યા
દેશભકિતનો અનોખો જુસ્સો
નવી દિલ્હી, તા.૧૩: દેશ માટે પોતાના પ્રાણનું બલિદાન આપનારા શહીદોને શ્રદ્ધાંજલિ આપવા માટે, એક યુવકે દેશભક્તિ પ્રત્યેનો પોતાનો જુસ્સો દર્શાવ્યો. આ યુવકે પોતાની પીઠ પર એક કે બે નહીં પરંતુ ૫૫૯ શહીદોના નામનું ટેટૂ કરાવ્યું છે. એટલું જ નહીં, તેણે ઘણા મહાપુરુષોના ચિત્રો પણ બનાવડાવ્યા છે.
અભિષેક ગૌતમે કારગિલના શહીદ સૈનિકો અને પુલવામામાં શહીદ થયેલા સૈનિકોના નામ પોતાના શરીર પર ટેટૂ કરાવ્યા છે. આ સાથે અભિષેક ગૌતમે દેશના બહાદુર મહાપુરુષોના ટેટૂ પણ કરાવ્યા છે.
અભિષેકના મતે, તે દરરોજ સરહદ પર શહીદ થઈ રહેલા સૈનિકોની શહાદતથી ચિંતિત હતો. તેથી, તેણે નક્કી કર્યું કે તે શહીદોને યાદ કરવા માટે તેમના નામ પોતાના શરીર પર ટેટૂ કરાવશે.
અભિષેકે ફક્ત શહીદોના નામ જ નહીં, પણ તેની પીઠ પર ઘણા મહાનુભાવોના ચિત્રો પણ બનાવડાવ્યા છે. આમાં તેણે શહીદ ભગતસિંહ, ચંદ્રશેખર આઝાદ, મહારાણા પ્રતાપ, મહાત્મા ગાંધી, રાણી લક્ષ્મીબાઈ, ચાણકય અને શિવાજી જેવા મહાનુભાવોના ટેટૂ પણ કમર પર બનાવડાવ્યા છે. આ ઉપરાંત, તેણે કમરની વચ્ચે ઇન્ડિયા ગેટનું ટેટૂ પણ બનાવડાવ્યું છે.
અભિષેક ગૌતમે કહ્યું, મારા શરીર પર લખેલા નામ એ ૫૫૯ બહાદુર સૈનિકોના છે જેમણે કારગિલમાં દેશની રક્ષા કરતી વખતે પોતાના જીવનું બલિદાન આપ્યું હતું. ૧૧ મહાપુરુષોના ચિત્રો છે જેમની વાર્તાઓ આપણે બાળપણથી પુસ્તકોમાં વાંચતા આવ્યા છીએ, જેમાં ચંદ્રશેખર આઝાદ, ભગતસિંહ, સુભાષચંદ્ર બોઝ, ગુરુ ગોવિંદસિંહ, મહારાણી લક્ષ્મીબાઈ, ચાણકય અને મહાત્મા ગાંધીનો સમાવેશ થાય છે. મારા શરીર પર ઇન્ડિયા ગેટ અને શહીદ સ્મારકના બધા ચિત્રો કોતરેલા છે. હું બધા દેશવાસીઓને સ્વતંત્રતા દિવસની શુભકામનાઓ પાઠવવા માંગુ છું.
(3:02 PM IST)
છેલ્લા 8 દિવસમાં સૌથી લોકપ્રિય 
