જમ્મુ-કાશ્મીરમાં ૧૨ વર્ષમાં ૨૮૬૩ કુદરતી ઘટનાઓઃ ‘૫૫૨' લોકોએ જીવ ગુમાવ્યા
જમ્મુ : ભારતીય હવામાન વિભાગ (આઈ એમ ડી)ના એક નવા અભ્યાસ મુજબ, વર્ષ ૨૦૧૦ થી ૨૦૨૨ દરમિયાન જમ્મુ-કાશ્મીરમાં આત્યંતિક હવામાનની ઘટનાઓમાં નોંધપાત્ર વધારો થયો છે. આ ૧૨ વર્ષના ગાળામાં કુલ ૨૮૬૩ કુદરતી ઘટનાઓ નોંધાઈ છે, જેમાં ૫૫૨ લોકોના મૃત્યુ થયા છે. અભ્યાસમાં જાણવા મળ્યું છે કે વાદળ ફાટવા અને ભારે હિમવર્ષા જેવી ઘટનાઓ સૌથી વધુ જીવલેણ સાબિત થઈ છે. નિષ્ણાતોએ વધતા ક્લાઇમેટ ચેન્જની ઘટનાઓ સામે મજબૂત આપત્તિ વ્યવસ્થાપનની તાત્કાલિક જરૂરિયાત પર ભાર મૂક્યો છે.
ભારતીય હવામાન વિજ્ઞાન વિભાગ દ્વારા પ્રકાશિત 'મૌસમ' નામની પત્રિકાના એક નવા અધ્યયનમાં જમ્મુ-કાશ્મીરમાં આબોહવા પરિવર્તનને કારણે ઊભી થયેલી જોખમી પરિસ્થિતિઓનો ખુલાસો થયો છે. અભ્યાસ મુજબ, છેલ્લા એક દાયકામાં આ પ્રદેશમાં હવામાન સંબંધિત ઘટનાઓમાં ભારે વધારો થયો છે.
જ્જ કુલ ઘટનાઓ : ૨૦૧૦ થી ૨૦૨૨ વચ્ચે ૨,૮૬૩ ઘટનાઓ નોંધાઈ, જેમાં ૫૫૨ મૃત્યુ થયા.
જ્જ સૌથી વધુ ઘટનાઓ : વીજળી પડવાના ૧,૯૪૨ કિસ્સાઓ, ત્યારબાદ ભારે વરસાદના ૪૦૯ અને અચાનક પૂરના ૧૬૮ કિસ્સાઓ.
જ્જ સૌથી જીવલેણ : ભારે હિમવર્ષાની ૪૨ ઘટનાઓમાં ૧૮૨ મૃત્યુ સાથે સૌથી જીવલેણ સાબિત થઈ.
જ્જ સૌથી વધુ અસરગ્રસ્ત વિસ્તારો : હિમવર્ષાથી સૌથી વધુ મૃત્યુ કુપવાડા, બાંદીપોરા, બારામુલા અને ગંદરબલ જિલ્લામાં થયા. જ્યારે કિશ્તવાડ, અનંતનાગ, ગંદરબલ અને ડોડા જિલ્લામાં અચાનક પૂરની સૌથી વધુ અસર જોવા મળી.
આઈએમડી શ્રીનગરના નિર્દેશક મુખ્તાર અહેમદે ચેતવણી આપી છે કે ઊંચાઈવાળા વિસ્તારોમાં વાતાવરણની ભેજ ક્ષમતામાં ૭-૧૦ ટકાનો વધારો થયો છે, જેના કારણે ભવિષ્યમાં આવી ઘટનાઓ વધુ વધશે. તેમણે મચેલ યાત્રા જેવા સંવેદનશીલ માર્ગો પર મજબૂત આપત્તિ વ્યવસ્થાપન પ્રણાલી વિકસાવવાની તાત્કાલિક જરૂરિયાત પર ભાર મૂક્યો છે, જે તાજેતરમાં વાદળ ફાટવાની ઘટનાથી પ્રભાવિત થયો હતો.
(12:04 PM IST)
છેલ્લા 8 દિવસમાં સૌથી લોકપ્રિય 
