ઉપરાષ્ટ્રપતિ ચૂંટણી : સુદર્શન રેડ્ડી V/S રાધાકૃષ્નન જંગ
વિપક્ષી ઇન્ડિયા એલાયન્સે ઉપરાષ્ટ્રપતિ પદની ચૂંટણી માટે પોતાના ઉમેદવારની જાહેરાત કરી
નવી દિલ્હી, તા.૧૯: વિપક્ષી ઇન્ડિયા એલાયન્સે ઉપરાષ્ટ્રપતિ પદની ચૂંટણી માટે પોતાના ઉમેદવારની જાહેરાત કરી છે. સુપ્રીમ કોર્ટના ભૂતપૂર્વ ન્યાયાધીશ અને ગોવાના ભૂતપૂર્વ લોકાયુક્ત જસ્ટિસ (નિવળત્ત) બી. સુદર્શન રેડ્ડીને ઇન્ડિયા બ્લોક દ્વારા ઉમેદવાર બનાવવામાં આવ્યા છે. તેઓ શાસક પક્ષના ઉમેદવાર અને ભાજપના નેતા સીપી રાધાકળષ્ણનને સીધો પડકાર આપશે. આ જાહેરાત સાથે, ઉપરાષ્ટ્રપતિ પદની ચૂંટણી હવે ખૂબ જ રસપ્રદ બનવા જઈ રહી છે.
ઉપરાષ્ટ્રપતિ પદની ચૂંટણી આવતા મહિને ૯ સપ્ટેમ્બરે યોજાશે અને નામાંકન માટેની છેલ્લી તારીખ ૨૧ ઓગસ્ટ, એટલે કે આવતીકાલે બુધવાર છે. એનડીએએ બે દિવસ પહેલા પોતાના ઉમેદવારની જાહેરાત કરી હતી. દરમિયાન, આજે, વિરોધ પક્ષોની બેઠક દરમિયાન, કોંગ્રેસ પ્રમુખ મલ્લિકાર્જુન ખડગેએ સુદર્શન રેડ્ડીનું નામ જાહેર કર્યું.
જસ્ટિસ બી. સુદર્શન રેડ્ડી આંધ્રપ્રદેશના છે. તેમનો જન્મ ૮ જુલાઈ ૧૯૪૬ ના રોજ આંધ્રપ્રદેશના રંગા રેડ્ડી જિલ્લાના અકુલા મૈલારામ ગામમાં એક ખેડૂત પરિવારમાં થયો હતો. તેમણે ૧૯૭૧ માં ઉસ્માનિયા યુનિવર્સિટીમાંથી કાયદાનો અભ્યાસ પૂર્ણ કર્યો હતો અને હૈદરાબાદમાં એક વરિષ્ઠ વકીલ છે. તેમણે ન્યાયાધીશ જે. પ્રતાપ રેડ્ડીના માર્ગદર્શન હેઠળ નાગરિક અને બંધારણીય બાબતોમાં પ્રેક્ટિસ શરૂ કરી. ૮ ઓગસ્ટ ૧૯૮૮ ના રોજ, તેમને આંધ્ર પ્રદેશ હાઇકોર્ટમાં સરકારી વકીલ તરીકે નિયુક્ત કરવામાં આવ્યા અને બાદમાં કેન્દ્ર સરકાર માટે વધારાના સ્થાયી સલાહકાર તરીકે સેવા આપી.
ન્યાયાધીશ રેડ્ડીએ ૧૯૯૧માં આંધ્રપ્રદેશ હાઇકોર્ટમાં ન્યાયાધીશ તરીકે તેમની ન્યાયિક કારકિર્દી શરૂ કરી. બાદમાં, તેઓ સુપ્રીમ કોર્ટના ન્યાયાધીશ બન્યા અને ઘણા મહત્વપૂર્ણ નિર્ણયોનો ભાગ રહ્યા.
સુપ્રીમ કોર્ટમાંથી નિવળત્તિ લીધા પછી, તેમને ગોવાના પ્રથમ લોકાયુક્ત તરીકે નિયુક્ત કરવામાં આવ્યા, જ્યાં તેમણે પ્રામાણિક અને કડક છબી ધરાવતા અધિકારી તરીકે કામ કર્યું. તેમણે કોઈપણ દબાણ વિના ભ્રષ્ટાચારના કેસોની તપાસ કરી અને પારદર્શિતાની હિમાયત કરી.
સુદર્શન રેડ્ડીને મેદાનમાં ઉતારીને, ઇન્ડિયા એલાયન્સે સંદેશ આપવાનો પ્રયાસ કર્યો છે કે તે બંધારણ, ન્યાયતંત્ર અને પારદર્શિતાના પક્ષમાં એક એવો ચહેરો રજૂ કરી રહ્યો છે. વિપક્ષ માને છે કે રેડ્ડીની સ્વચ્છ છબી અને ન્યાયિક અનુભવ તેમને ઉપરાષ્ટ્રપતિ જેવા બંધારણીય પદ માટે યોગ્ય ઉમેદવાર બનાવે છે.
ઉપરાષ્ટ્રપતિની ચૂંટણીમાં, રેડ્ડી હવે ભાજપના નેતા અને તમિલનાડુના વરિષ્ઠ રાજકારણી સીપી રાધાકળષ્ણનનો સામનો કરશે. રાધાકળષ્ણન બે વાર લોકસભા સાંસદ રહી ચૂકયા છે અને હાલમાં મહારાષ્ટ્રના રાજ્યપાલ છે. રાષ્ટ્રીય રાજકારણ અને સંગઠનમાં તેમના લાંબા અનુભવને ધ્યાનમાં રાખીને ભાજપે તેમને ઉમેદવાર બનાવ્યા છે.(૨૩.૨૨)
(2:40 PM IST)
છેલ્લા 8 દિવસમાં સૌથી લોકપ્રિય 
