પાકિસ્તાનમાં ફરી ઈન્ટરનેટ બંધ : બેંકિંગ વ્યવસાય સહિત ઘણી ઓનલાઈન સેવાઓ ઠપ્પ : જનજીવન પ્રભાવિત
પાકિસ્તાનમાં ઈન્ટરનેટ બંધ થવાથી ફરી એકવાર હોબાળો મચી ગયો : સામાન્ય જનતાની માઠી
ઈસ્લામાબાદ, તા.૨૧: પાકિસ્તાનમાં દેશવ્યાપી ઈન્ટરનેટ બંધ થવાને કારણે વ્યવસાય, નાણાકીય સેવાઓ અને સામાન્ય જીવન ખરાબ રીતે પ્રભાવિત થયું છે. ઉદ્યોગ નિષ્ણાતોએ તેને તાજેતરના વર્ષોની સૌથી ગંભીર ટેકનિકલ ખામીઓમાંની એક ગણાવી છે. વાયરલેસ અને ઈન્ટરનેટ સર્વિસ પ્રોવાઈડર્સ એસોસિએશન ઓફ પાકિસ્તાનના જણાવ્યા અનુસાર, દેશના અંદાજિત બે તળતીયાંશ ઈન્ટરનેટ ગ્રાહકો આ વિક્ષેપથી પ્રભાવિત થયા હતા. નોંધનીય છે કે ૨૦૨૨ માં પણ આ જ તારીખે, મોટા પાયે પૂરને કારણે ફાઈબર રૂટને નુકસાન થવાને કારણે પાકિસ્તાનમાં રાષ્ટ્રવ્યાપી ઈન્ટરનેટ બંધ થયું હતું.
ડિજિટલ ક્ષેત્રની નબળી સ્થિતિ અંગે ચિંતા વ્યક્ત કરતા, વાયરલેસ અને ઇન્ટરનેટ સર્વિસ પ્રોવાઇડર્સ એસોસિએશન ઓફ પાકિસ્તાનના પ્રમુખ શહઝાદ અરશદે જણાવ્યું હતું કે, આ એક રાષ્ટ્રીય નિષ્ફળતા છે. પાકિસ્તાનમાં ઇન્ટરનેટ શટડાઉન હવે દુર્લભ ઘટના નથી, પરંતુ વારંવાર થઈ રહી છે. ૨૦૨૫ માં પણ, દેશના બે તળતીયાંશ ઇન્ટરનેટ ૨૦૨૨ માં થયેલી તારીખે જ બંધ થઈ જવું એ સરકાર માટે ચેતવણીનો સંકેત છે.
તેમણે કહ્યું કે ઇન્ટરનેટ હવે વીજળી જેટલું જ મહત્વપૂર્ણ બની ગયું છે કારણ કે ફ્રીલાન્સર્સ, હોસ્પિટલો, વિદ્યાર્થીઓ અને બેંકો બધા કામ માટે ઇન્ટરનેટ પર આધાર રાખે છે. અરશદે ચેતવણી આપી હતી કે, ‘બંધ થવાના દરેક કલાકે પાકિસ્તાનને કરોડોનું નુકસાન થાય છે અને આપણી આંતરરાષ્ટ્રીય વિશ્વસનીયતાને અસર કરે છે.'
ઉદ્યોગ સંસ્થાએ નિયમનકારોને વધુ સેવા પ્રદાતાઓને પ્રોત્સાહિત કરવા, પ્રાદેશિક ઇન્ટરનેટ એક્સચેન્જ વિકસાવવા અને ઇન્ટરનેટ ઇન્ફ્રાસ્ટ્રક્ચરને વૈવિધ્યીકરણ અને મજબૂત બનાવવા માટે બેકઅપ સિસ્ટમમાં રોકાણ કરવા અપીલ કરી છે. અરશદે કહ્યું, પાકિસ્તાનના ડિજિટલ ભવિષ્યને હવે એક પણ નિષ્ફળતા માટે બંધક બનાવી શકાય નહીં. આપણને નક્કર સુધારાઓની જરૂર છે, વારંવાર માફી માંગવાની નહીં.
આ દરમિયાન, પાકિસ્તાન ટેલિકોમ્યુનિકેશન કંપની લિમિટેડે મધ્યરાત્રિ પછી એક સંદેશમાં જણાવ્યું હતું કે તેમની સેવાઓમાં સમસ્યાઓ આવી રહી છે અને ટીમો તેમને ટૂંક સમયમાં પુનઃસ્થાપિત કરવા માટે કામ કરી રહી છે. કંપનીએ ઁહ્ઁ પર પોસ્ટ કર્યું, પ્રિય ગ્રાહકો, અમારી ભ્વ્ઘ્ન્ અને શ્શ્ંઁફૂ સેવાઓ ડેટા કનેક્ટિવિટી સમસ્યાઓનો સામનો કરી રહી છે. અમારી ટીમો સેવાઓ પુનઃસ્થાપિત કરવા માટે સક્રિયપણે કામ કરી રહી છે. અસુવિધા બદલ માફ કરશો.
ઇન્ટરનેટ મોનિટરિંગ ગ્રુપ નેટબ્લોક્સે ૧૯ ઓગસ્ટના રોજ ઁહ્ઁ પર પુષ્ટિ કરતા કહ્યું હતું કે, મેટ્રિક્સ દર્શાવે છે કે પાકિસ્તાનમાં ઇન્ટરનેટ કનેક્ટિવિટીમાં મોટો વિક્ષેપ પડ્યો છે. બેકબોન ઓપરેટર ભ્વ્ઘ્ન્ સૌથી વધુ પ્રભાવિત થયું છે અને રાષ્ટ્રીય કનેક્ટિવિટી સામાન્ય સ્તરના માત્ર ૨૦ ટકા સુધી ઘટી ગઈ છે.
(11:22 AM IST)
છેલ્લા 8 દિવસમાં સૌથી લોકપ્રિય 
