લોકસભા અનિશ્ચિત સમય માટે સ્થગિત : સાંસદોએ હોબાળો મચાવ્યો : સ્પીકર નારાજ : પીએમ મોદી હાજર
લોકસભામાં ૧૪ બિલ આવ્યા : ૧૨ પાસ થયા : ચોમાસુ સત્ર દરમિયાન માત્ર ૩૭ કલાક ચર્ચા : ગૃહમાં કુલ ૧૨૦ કલાક ચર્ચા થવાની હતી : પરંતુ મતદાર યાદી સુધારણાના મુદ્દા પર ગતિરોધને કારણે કામ થયું નહીં
નવી દિલ્હી, તા.૨૧: સંસદના ચાલુ ચોમાસુ સત્ર દરમિયાન મતદાર યાદી સુધારણાના મુદ્દા પર ગતિરોધ ચાલુ રહ્યો. સત્રના છેલ્લા દિવસે પણ હોબાળાને કારણે લોકસભાની કાર્યવાહી ચાલુ રહી શકી નહીં. લોકસભા અધ્યક્ષ ઓમ બિરલાએ ગળહની કાર્યવાહી પહેલા બપોરે ૧૨ વાગ્યા સુધી અને પછી હોબાળાને કારણે અનિશ્ચિત સમય માટે સ્થગિત કરવાની જાહેરાત કરી.
આજે લોકસભાની બેઠક અનિશ્ચિત સમય માટે સ્થગિત કરવામાં આવી હતી જેમાં ૧૨ બિલ ચર્ચા વિના અથવા ટૂંકી ચર્ચા સાથે પસાર કરવામાં આવ્યા હતા. ચોમાસા સત્રમાં કાર્યવાહીમાં ગતિરોધ જાળવવા બદલ વિપક્ષી પક્ષો પ્રત્યે નિરાશા વ્યક્ત કરતા લોકસભા સ્પીકરે કહ્યું કે ગળહની કામગીરી આયોજનબદ્ધ રીતે ખોરવાઈ હતી જે લોકશાહી અને ગળહની ગરિમાને અનુરૂપ નથી. વડાપ્રધાન નરેન્દ્ર મોદી ગળહમાં હાજર હતા, પરંતુ વિપક્ષનો હોબાળો ચાલુ રહ્યો.
અનિશ્ચિત સમય માટે કાર્યવાહી સ્થગિત કરવાની જાહેરાત કરતા પહેલા, અધ્યક્ષે ગળહમાં આ સત્ર દરમિયાન થયેલા કામકાજની માહિતી પણ આપી. લોકસભા અધ્યક્ષે જણાવ્યું કે આ સત્રમાં ગળહમાં કુલ ૧૪ સરકારી બિલ રજૂ કરવામાં આવ્યા હતા. આમાંથી ૧૨ બિલ પણ પસાર કરવામાં આવ્યા.
તેમણે કહ્યું કે ૨૮ અને ૨૯ જુલાઈના રોજ લોકસભામાં ઓપરેશન સિંદૂર પર ખાસ ચર્ચા યોજાઈ હતી, જે પ્રધાનમંત્રીના જવાબ સાથે પૂર્ણ થઈ હતી. સ્પીકરે કહ્યું કે ૧૮ ઓગસ્ટ, ૨૦૨૫ના રોજ ભારતના અવકાશ કાર્યક્રમની સિદ્ધિઓ પર ખાસ ચર્ચા શરૂ કરવામાં આવી હતી. તેમણે કહ્યું કે આ સત્ર દરમિયાન મૌખિક જવાબો માટે ૪૧૯ તારાંકિત પ્રશ્નોનો સમાવેશ કરવામાં આવ્યો હતો. પરંતુ માત્ર ૫૫ પ્રશ્નોના મૌખિક જવાબ આપી શકાયા.
સ્પીકરે કહ્યું કે સત્રની શરૂઆતમાં, બધાએ નક્કી કર્યું હતું કે ગળહમાં ૧૨૦ કલાક ચર્ચા થશે. બિઝનેસ એડવાઇઝરી કમિટીમાં પણ આ અંગે સંમતિ સધાઈ હતી. પરંતુ આયોજિત વિક્ષેપો અને સતત ગતિરોધને કારણે, અમે ફક્ત ૩૭ કલાક જ ચર્ચા કરી શકયા. તેમણે કહ્યું કે જનપ્રતિનિધિ તરીકે, આખો દેશ આપણા બધાના વર્તન અને કાર્યપદ્ધતિ પર નજર રાખે છે.
સ્પીકરે કહ્યું કે જનતા આપણને ઘણી અપેક્ષાઓ સાથે ચૂંટે છે, જેથી આપણે વ્યાપક અને ગૌરવપૂર્ણ ચર્ચા કરી શકીએ. તેમણે કહ્યું કે કેટલાક દિવસોથી હું જોઈ રહ્યો છું કે ચર્ચા શિષ્ટાચાર મુજબ થઈ રહી નથી. સ્પીકરે કહ્યું કે ગળહની અંદર, સંસદ પરિસરમાં જે પ્રકારના નારા લગાવવામાં આવી રહ્યા છે, સભ્યો જે રીતે પ્લેકાર્ડ લાવી રહ્યા છે, જે રીતે આયોજનબદ્ધ ગતિરોધ કરવામાં આવી રહ્યો છે, તે સંસદની પરંપરા રહી નથી.
તેમણે કહ્યું કે આ સત્રમાં જે રીતે વર્તન કરવામાં આવ્યું, જે પ્રકારની ભાષાનો ઉપયોગ કરવામાં આવ્યો, જે રીતે સૂત્રોચ્ચાર કરવામાં આવ્યા, તે શિષ્ટાચાર અનુસાર નથી. સ્પીકરે કહ્યું કે આપણો પ્રયાસ ગૌરવપૂર્ણ ચર્ચા કરવાનો હોવો જોઈએ. આયોજિત ગતિરોધ, નારા લગાવવામાં આવ્યા, હું તમને વિનંતી કરવા માંગુ છું કે આને ટાળવાનો પ્રયાસ કરો.
ઓમ બિરલાએ કહ્યું કે આપણી ભાષા સંસદની અંદર અને પરિસરમાં પણ શિષ્ટ હોવી જોઈએ. તેમણે કહ્યું કે સંમતિ અને અસંમતિ લોકશાહીની કુદરતી પ્રક્રિયા છે. દરેક સભ્યને પૂરતો સમય, પૂરતી તક આપવામાં આવી છે. આપણે સંસદમાં સારી પ્રથા લાગુ કરવાનો પ્રયાસ કરવો જોઈએ. બધા રાજકીય પક્ષોએ આ અંગે વિચાર કરવો જોઈએ. આ દરમિયાન પીએમ મોદી પણ ગળહમાં હાજર હતા.(૨૩.૨૦)
(3:10 PM IST)
છેલ્લા 8 દિવસમાં સૌથી લોકપ્રિય 
