નવી દિલ્હી : છત્તીસગઢના પૂર્વ મુખ્યમંત્રી ભૂપેશ બઘેલના પુત્ર ચૈતન્ય બઘેલને ફરી ઝટકો લાગ્યો. એન્ફોર્સમેન્ટ ડિરેક્ટોરેટ (ED) કોર્ટે ચૈતન્ય બઘેલને 14 દિવસની ન્યાયિક કસ્ટડીમાં મોકલી દીધો. હકીકતમાં, EDના પાંચ દિવસના રિમાન્ડ પૂર્ણ થયા બાદ, ચૈતન્યને કોર્ટમાં રજૂ કરવામાં આવ્યો જ્યાં બંને પક્ષોની દલીલો સાંભળ્યા બાદ, કોર્ટે ચૈતન્યને 14 દિવસની ન્યાયિક કસ્ટડીમાં મોકલી દીધો છે.

EDના વકીલ સૌરભ પાંડેએ જણાવ્યું હતું કે અમને દારૂ કૌભાંડમાં ભૂતપૂર્વ મુખ્યમંત્રી ભૂપેશ બઘેલના પુત્ર ચૈતન્યની ભૂમિકા વિશે જાણવા મળ્યું અને તેમની ધરપકડ કરવામાં આવી... તેમના પાંચ દિવસના પોલીસ રિમાન્ડ આજે સમાપ્ત થયા અને અમે કોર્ટ પાસેથી 14 દિવસની ન્યાયિક કસ્ટડી માંગી હતી, જે મંજૂર કરવામાં આવી છે. આગામી સુનાવણી 6 સપ્ટેમ્બરે થશે... તેઓ તપાસમાં સહકાર આપી રહ્યા નથી.