મૈસૂર,તા.૨૬: કર્ણાટકના મૈસૂર જિલ્‍લામાંથી એક પરિણીત ષી રક્ષિતાની તેના પ્રેમી સિદ્ધરાજુએ વિસ્‍ફોટક પદાર્થથી હત્‍યા કરી દીધી. આરોપીએ મહિલાના મોઢામાં વિસ્‍ફોટક પદાર્થ મૂકીને બ્‍લાસ્‍ટ કર્યો જેથી તેનો ચહેરો ખરાબ રીતે બળી ગયો. બન્ને એક લોજમાં રોકાયા હતા જ્‍યાં ઝગડો થવાથી સિદ્ધરાજુએ આ ઘટનાને અંજામ આપ્‍યો.

મૈસૂર જિલ્‍લામાંથી ડઘાવી દેનારી ઘટના સામે આવી છે. અહીં એક પ્રેમીએ પોતાની પ્રેમિકાની હત્‍યા મોઢામાં જ્‍વલનશીલ પદાર્થ નાખીને કરી દીધી. હત્‍યા કર્યા બાદ આરોપી નાસી છૂટતો હતો પણ સ્‍થાનિક લોકોએ તેને પકડીને પોલીસને હવાલે કરી દીધો. ત્‍યાર બાદ જ્‍યારે પોલીસે પૂછપરછ કરી ત્‍યારે જઈને તેણે હકીકત કહી સંભળાવી હતી.

આ મામલો ખરેખર મૈસુર જિલ્‍લાના સાલીગ્રામ તાલુકાના ભેરિયા ગામનો છે. મૃતક રક્ષિતા (૨૦) ના લગ્ન કેરળના એક દૈનિક વેતન મજૂર સાથે થયા હતા. પરંતુ તેના બેટ્ટાડાપુરા ગામના એક સંબંધી સિદ્ધરાજુ સાથે ગેરકાયદેસર સંબંધ હોવાનો આરોપ છે. ઘટનાના દિવસે, રક્ષિતા અને સિદ્ધરાજુ એક લોજમાં રોકાયા હતા, જ્‍યાં તેમનો કોઈ વાતને લઈને ઝઘડો થયો હતો. એવું કહેવામાં આવી રહ્યું છે કે સિદ્ધરાજુએ પહેલા તેના મોંમાં જ્‍વલનશીલ પદાર્થ નાખ્‍યો અને પછી ખાણોમાં જિલેટીન સ્‍ટીક ફૂટવા માટે ઉપયોગમાં લેવાતા ટ્રિગરથી તે પદાર્થને વિસ્‍ફોટ કરીને તેની હત્‍યા કરી દીધી.

પોલીસે મૃતકની ઓળખ રક્ષિતા તરીકે કરી છે. તે ગેરાસનાહલ્‍લી ગામની રહેવાસી હતી. રક્ષિતાના લગ્ન કેરળના એક દૈનિક વેતન મજૂર સાથે થયા હતા, પરંતુ તેણીના તેના સંબંધી સિદ્ધરાજુ સાથે અફેર હતું.

બંને રવિવારે ભેરિયા ગામમાં એક લોજમાં રહેવા ગયા હતા. પોલીસના જણાવ્‍યા અનુસાર, બંને વચ્‍ચે ઝઘડો થયો હતો અને આ દરમિયાન આરોપીએ મહિલાના મોંમાં વિસ્‍ફોટક સામગ્રી નાખીને તેની હત્‍યા કરી દીધી હતી. આ વિસ્‍ફોટ કરવા માટે, તેણે તે જ ટ્રિગરનો ઉપયોગ કર્યો હતો જેનો ઉપયોગ ખાણોમાં જિલેટીન સ્‍ટીકને ઉડાવવા માટે થાય છે.

હત્‍યા કર્યા પછી, આરોપીએ ભાગવાનો પ્રયાસ કર્યો. પરંતુ સ્‍થાનિક લોકોએ તેને પકડી લીધો અને પોલીસને સોંપી દીધો. આરોપીએ ખોટો દાવો કરીને પોલીસને ગેરમાર્ગે દોરવાનો પ્રયાસ કર્યો. તેણે કહ્યું કે મહિલાનું મૃત્‍યુ મોબાઇલ ફોનમાં વિસ્‍ફોટ થવાને કારણે થયું હતું. જોકે, બાદમાં તેણે પોલીસને સંપૂર્ણ સત્‍ય જણાવ્‍યું. પોલીસે માહિતી આપી.