મુંબઈ: ઓલ ઈન્ડિયા મોઢ વણિક સમાજ - મુંબઈ અને શ્રી મોઢ સેવા સમાજ ચેરીટેબલ ટ્રસ્ટ, ડોમ્બીવલીના સંયુક્ત ઉપક્રમે આગામી તા. ૧૪ સપ્ટેમ્બરના રોજ મુંબઈમાં ૨૫મા ભવ્ય જીવનસાથી પરિચય મેળાનું આયોજન કરવામાં આવ્યું છે. 

આ કાર્યક્રમની સિલ્વર જ્યુબિલી ઉજવણીના ભાગરૂપે વૈષ્ણવ વણિક સમાજના યુવક-યુવતીઓ માટે એક ઉત્કૃષ્ટ પ્લેટફોર્મ પૂરું પાડવામાં આવશે.

ઘાટકોપર (ઈસ્ટ) ખાતે આવેલા ઝવેરબેન પોપટલાલ એ.સી. સભાગૃહમાં બપોરે ૨ વાગ્યાથી રાત્રે ૯ વાગ્યા સુધી યોજાનારા આ કાર્યક્રમમાં રજિસ્ટ્રેશન, બુકલેટ વિતરણ, નાસ્તા, હાઈ-ટી અને ભોજન સમારંભનો સમાવેશ થાય છે. જન્માક્ષર મેળવવા માટે બ્રાહ્મણની પણ વ્યવસ્થા ઉપલબ્ધ રહેશે.

આયોજકોએ યુવક-યુવતીઓના ઉત્થાન માટે આ સેવાભાવી પ્રયાસ કર્યો છે. ખાસ કરીને યુવતીઓ માટે રજિસ્ટ્રેશન અને બુકલેટ વિનામૂલ્યે રાખવામાં આવી છે. યુવક ઉમેદવારો માટે રજિસ્ટ્રેશન ફી ₹૫૦૦/- છે, જેમાં તેમને બુકલેટ પણ મળશે. 

કાર્યક્રમમાં કુલ ૪૦૦ ઉમેદવારોને જ પ્રવેશ આપવામાં આવશે, અને પ્રવેશ "પહેલા આવો પહેલા મેળવો" ના ધોરણે મળશે. 

રજિસ્ટ્રેશન માટે છેલ્લી તારીખ ૨ સપ્ટેમ્બર, ૨૦૨૫ છે.

કાર્યક્રમમાં ઉપસ્થિત ન રહી શકે તેવા ઉમેદવારો માટે પણ ખાસ વ્યવસ્થા કરવામાં આવી છે. તેમનો બાયોડેટા બુકલેટમાં સમાવી લેવામાં આવશે, જે તેમને ઘરે પોસ્ટ દ્વારા મોકલી આપવામાં આવશે. 

આ ઉપરાંત, આ કાર્યક્રમનું જીવંત પ્રસારણ યુટ્યુબ પર પણ જોઈ શકાશે અને ૧૪ સપ્ટેમ્બરના રોજ ઈ-બુક ઉમેદવારોના મોબાઈલ પર વોટ્સએપ દ્વારા મોકલવામાં આવશે, જેથી તેઓ સીધા સંપર્ક કરી શકે.

વધારે માહિતી માટે ઓલ ઈન્ડિયા મોઢ વણિક સમાજના પ્રમુખ શ્રી યોગેશભાઈ શાહ (મો. ૯૮૨૦૨ ૬૨૯૩૨), ઉપપ્રમુખ શ્રી અશ્વિનભાઈ પટેલ (મો. ૯૮૨૫૧ ૯૫૯૫૫), અથવા શ્રી મોઢ સેવા સમાજ ચેરીટેબલ ટ્રસ્ટના પ્રમુખ શ્રી નવીનભાઈ ગાંધી (મો. ૯૩૨૩૮ ૪૪૯૪૦) નો સંપર્ક કરી શકાય છે.