જમ્મુકાશ્મીરમાં સુરક્ષાદળોને મોટી સફળતા : ૨ આતંકી ઠાર
સર્ચ ઓપરેશન શરૂ : ઘૂસણખોરીના પ્રયાસો નિષ્ફળ
જમ્મુ, તા.૨૮: સુરક્ષા દળોએ જમ્મુ અને કાશ્મીરના બાંદીપોરા જિલ્લાના ગુરેઝ સેક્ટરમાં નિયંત્રણ રેખા (LoC) નજીક ઘૂસણખોરીના એક મોટા પ્રયાસને નિષ્ફળ બનાવ્યો છે. સેનાએ જણાવ્યું હતું કે આ દરમિયાન બે આતંકવાદીઓ માર્યા ગયા છે. સેનાના શ્રીનગર સ્થિત ચિનાર કોર્પ્સે X પર એક પોસ્ટમાં જણાવ્યું હતું કે, જમ્મુ અને કાશ્મીર પોલીસ દ્વારા આપવામાં આવેલી ગુપ્ત માહિતીના આધારે, ભારતીય સેના અને જમ્મુ અને કાશ્મીર પોલીસે ગુરેઝ સેક્ટરમાં સંયુક્ત ઓપરેશન શરૂ કર્યું.
સેનાએ જણાવ્યું હતું કે ઘૂસણખોરીના પ્રયાસને સમજીને, સતર્ક સૈનિકોએ ઘૂસણખોરોને પડકાર ફેંકયો. જવાબમાં, આતંકવાદીઓએ અંધાધૂંધ ગોળીબાર શરૂ કર્યો. સેનાએ વધુમાં કહ્યું હતું કે, ‘સૈનિકોએ વળતો જવાબ આપ્યો અને અસરકારક રીતે ગોળીબાર કર્યો અને બે આતંકવાદીઓને ઠાર કર્યા.'
સેનાના ચિનાર કોર્પ્સે આ ઘૂસણખોરીના પ્રયાસને નિષ્ફળ બનાવવા અંગે એક પોસ્ટમાં જણાવ્યું હતું કે, જમ્મુ અને કાશ્મીર પોલીસ દ્વારા સંભવિત ઘૂસણખોરીના પ્રયાસ વિશે આપવામાં આવેલી ગુપ્ત માહિતીના આધારે, સેના અને જમ્મુ અને કાશ્મીર પોલીસે ગુરેઝ સેક્ટરમાં સંયુક્ત ઓપરેશન શરૂ કર્યું, જેમાં બે ઘૂસણખોરો માર્યા ગયા.
સેનાએ કહ્યું કે સતર્ક સૈનિકોએ શંકાસ્પદ ગતિવિધિ જોઈ અને ઘૂસણખોરોને પડકાર ફેંકયો. આના પર, આતંકવાદીઓએ અંધાધૂંધ ગોળીબાર શરૂ કર્યો. આ પછી, સૈનિકોએ જવાબી કાર્યવાહી કરીને બંને આતંકવાદીઓને ઠાર માર્યા. હાલમાં, વિસ્તારમાં સુરક્ષા વધુ વધારી દેવામાં આવી છે અને દરેક ગતિવિધિ પર નજર રાખવામાં આવી રહી છે. આ સેક્ટરમાંથી કોઈ પ્રકારની ઘૂસણખોરી થઈ છે કે કેમ તેની પુષ્ટિ કરવામાં આવી રહી છે. સેનાએ કહ્યું છે કે ઓપરેશન ચાલુ છે.
અગાઉ, જમ્મુ અને કાશ્મીરના કુપવાડા જિલ્લામાં સર્ચ ઓપરેશન દરમિયાન શષાો અને દારૂગોળોનો મોટો જથ્થો મળી આવ્યો હતો, જેમાં એક મોટા આતંકવાદી કાવતરાને નિષ્ફળ બનાવવામાં આવ્યો હતો. અધિકારીઓએ કહ્યું હતું કે આનાથી વિસ્તારમાં સંભવિત આતંકવાદી પ્રવળત્તિઓ બંધ થઈ જશે. જપ્ત કરાયેલા હથિયારોમાં ૨૨ ગ્રેનેડ, એક અંડર-બેરલ ગ્રેનેડ લોન્ચર, ૧૫ AK-47 રાઉન્ડ અને અડધો કિલોગ્રામ કાળો પાવડર શામેલ છે, જે વિસ્ફોટક હોવાની શંકા છે. હાલમાં, આસપાસના વિસ્તારોમાં સમાન કામગીરી હાથ ધરવામાં આવી રહી છે.
(3:40 PM IST)
છેલ્લા 8 દિવસમાં સૌથી લોકપ્રિય 
