જન ધન યોજનાઃ ૧૧ વર્ષમાં ૫૬ કરોડથી વધુ ખાતા ખોલાયા
મોદી સરકાર સત્તામાં આવી ત્યારે બેંક ખાતું ખોલવું સરળ નહોતું. પરંતુ પ્રધાનમંત્રી જન ધન યોજના શરૂ થયા પછી, તે ખૂબ જ સરળ થઈ ગયું છે આ ખાતાઓમાં અઢી લાખ કરોડથી વધુ રકમ જમા કરવામાં આવી છેઃ ખાતાઓમાં ૩૮ કરોડથી વધુ મફત ‘‘રૂ-પે''કાર્ડ જારી કરવામાં આવ્યા છે
નવી દિલ્હી તા.૨૯: આ યોજના શરૂ થયાને માત્ર ૧૧ વર્ષ થયા છે. અને ૫૬ કરોડથી વધુ લોકોએ તેના હેઠળ ખાતા ખોલ્યા છે. પ્રધાનમંત્રી જન ધન યોજના (PMJDY) વિશે વાત કરી રહ્યા છીએ. કેન્દ્રીય નાણામંત્રી નિર્મલા સીતારમણે કહ્યું છે કે છેલ્લા ૧૧ વર્ષમાં આ યોજના હેઠળ ૫૬ કરોડથી વધુ જન ધન ખાતા ખોલવામાં આવ્યા છે. આ કારણે, લાખો લોકો ઔપચારિક બેંકિંગ સિસ્ટમમાં જોડાયા છે.
વડાપ્રધાન મોદીએ ૧૧ વર્ષ પહેલા એટલે કે ૨૮ ઓગસ્ટ ૨૦૧૪ ના રોજ પ્રધાનમંત્રી જન ધન યોજના શરૂ કરી હતી. તેના ૧૧ વર્ષ પૂર્ણ થવા પર, સીતારમણે કહ્યું કે નાણાકીય સમાવેશ આર્થિક વિકાસ અને પ્રગતિનો એક મહત્વપૂર્ણ ભાગ છે. દરેક માટે બેંક ખાતા હોવાને કારણે, ગરીબ અને પછાત લોકો પણ અર્થતંત્રમાં સંપૂર્ણ રીતે ભાગ લઈ શકે છે અને તેનો લાભ લઈ શકે છે. તેમણે કહ્યું કે PMJDY ઘણી યોજનાઓ હેઠળ લોકોને સીધો લાભ આપવાનું એક મુખ્ય માધ્યમ રહ્યું છે. આનાથી ડાયરેક્ટ બેનિફિટ ટ્રાન્સફર (DBT) એટલે કે ખાતામાં સીધા પૈસા મોકલવામાં, લોન આપવામાં, સામાજિક સુરક્ષામાં અને બચત અને રોકાણમાં વધારો કરવામાં મદદ મળી છે.
તેમણે કહ્યું કે કુલ ૨.૬૮ લાખ કરોડ રૂપિયા લોકોના જન ધન ખાતાઓમાં જમા થયા છે. આ ઉપરાંત, આ ખાતાઓમાં ૩૮ કરોડથી વધુ મફત રૂપે કાર્ડ જારી કરવામાં આવ્યા છે. આ કાર્ડ્સે હાંસિયામાં રહેતા લોકો માટે ડિજિટલ વ્યવહારો કરવાનું સરળ બનાવ્યું છે.
સીતારમણે જણાવ્યું હતું કે PMJDY હેઠળ ૬૭% ખાતા ગામડાં કે શહેરોમાં ખોલવામાં આવ્યા છે. આમાંથી ૫૬% ખાતા મહિલાઓ દ્વારા ખોલવામાં આવ્યા છે. આ દર્શાવે છે કે દેશના દૂરના વિસ્તારોમાં રહેતા ગરીબ લોકો પણ હવે ઔપચારિક નાણાકીય ક્ષેત્રમાં જોડાયા છે. આ પ્રસંગે, નાણા રાજ્યમંત્રી પંકજ ચૌધરીએ જણાવ્યું હતું કે PMJDY એ માત્ર દેશમાં જ નહીં પરંતુ સમગ્ર વિશ્વમાં નાણાકીય સમાવેશની સૌથી સફળ યોજનાઓમાંની એક છે.
જન ધન ખાતું કોઈપણ બેંક શાખા અથવા તેના બેંક મિત્ર આઉટલેટમાં ખોલી શકાય છે. સૌથી સારી વાત એ છે કે આ ખાતા શૂન્ય બેલેન્સ સાથે ખોલવામાં આવી રહ્યા છે. પ્રધાનમંત્રી જન ધન યોજના હેઠળ ખાતું ખોલવા માટે કેટલાક દસ્તાવેજો જરૂરી છે. જો તમારી પાસે આધાર કાર્ડ / આધાર નંબર ઉપલબ્ધ છે, તો અન્ય કોઈ દસ્તાવેજની જરૂર નથી. જો સરનામું બદલાઈ ગયું હોય, તો વર્તમાન સરનામાનું સ્વ-પ્રમાણપત્ર પૂરતું છે. જો આધાર કાર્ડ ઉપલબ્ધ ન હોય, તો થોડા સત્તાવાર રીતે માન્ય દસ્તાવેજો (OVD) માંથી એક જરૂરી રહેશે. આમાં મતદાર ઓળખ કાર્ડ, ડ્રાઇવિંગ લાઇસન્સ, પાન કાર્ડ, પાસપોર્ટ અને NREGA કાર્ડનો સમાવેશ થાય છે. જો આ દસ્તાવેજોમાં તમારું સરનામું પણ હાજર હોય, તો તે ૅઓળખ અને સરનામાના પુરાવૉ તરીકે કામ કરી શકે છે.(૩૮.૧૩)
(10:15 AM IST)
છેલ્લા 8 દિવસમાં સૌથી લોકપ્રિય 
