રાયપુર : છત્તીસગઢની રાજધાની રાયપુરમાં TMC સાંસદ મહુઆ મોઇત્રા વિરુદ્ધ કેસ નોંધવામાં આવ્યો છે. પોલીસે અમિત શાહ વિરુદ્ધ વાંધાજનક નિવેદનો કરવા બદલ ફરિયાદ પર આ FIR નોંધી છે.

રાયપુરમાં TMC નેતા અને સાંસદ મહુઆ મોઇત્રા વિરુદ્ધ કેસ નોંધવામાં આવ્યો છે. મહુઆ મોઇત્રાએ ગૃહમંત્રી અમિત શાહ વિરુદ્ધ વાંધાજનક નિવેદનો કર્યા હતા, આ માટે આ કેસ નોંધવામાં આવ્યો છે.

મોઇત્રાએ કથિત રીતે કહ્યું છે કે ભારતમાં ગેરકાયદેસર બાંગ્લાદેશીઓની ઘૂસણખોરી રોકવામાં નિષ્ફળ રહેવા બદલ કેન્દ્રીય ગૃહમંત્રી અમિત શાહનું "માથું કાપી નાખવું" જોઈએ. તેમની ટિપ્પણી પછી તરત જ, માના કેમ્પ પોલીસ સ્ટેશનમાં ભારતીય ન્યાય સંહિતા (BNS) ની કલમ 196 અને 197 હેઠળ FIR નોંધવામાં આવી હતી. સ્થાનિક રહેવાસી ગોપાલ સામંતની ફરિયાદના આધારે 30 ઓગસ્ટે માના પોલીસ સ્ટેશનમાં FIR નોંધવામાં આવી હતી.