ગૌતમ અદાણીની કંપની સ્ટીલ્થ ફાઈટર જેટ બનાવશેઃ ૧૫ હજાર કરોડના પ્રોજેકટ પર તૈયારીઓ શરૂ
અદાણી ડિફેન્સ અને એરોસ્પેસ સંરક્ષણ મંત્રાલયના AMCA પ્રોગ્રામમાં ભાગીદારીની પુષ્ટિ કરી
નવી દિલ્હી, તા.૧: ગૌતમ અદાણીની કંપની હવે ફાઇટર જેટ બનાવશે. અદાણી ડિફેન્સ અને એરોસ્પેસે સંરક્ષણ મંત્રાલયના એડવાન્સ્ડ મીડિયમ કોમ્બેટ એરક્રાફ્ટ પ્રોગ્રામમાં તેની ભાગીદારીની પુષ્ટિ કરી છે, જે ભારતના મુખ્ય પાંચમી પેઢીના સ્ટીલ્થ ફાઇટર એરક્રાફ્ટ પ્રોજેક્ટ છે. કંપનીના CEO આશિષ રાજવંશીએ જણાવ્યું હતું કે આ કાર્યક્રમ હાલમાં એક્સપ્રેશન ઓફ ઇન્ટરેસ્ટ તબક્કામાં છે અને ૩૦ સપ્ટેમ્બર સુધીમાં પ્રતિભાવો આપવાના રહેશે.
AMCA સ્ટીલ્થ જેટ પ્રોજેક્ટ માટે બોલી લગાવવાની છેલ્લી તારીખ ૩૦ સપ્ટેમ્બર છે અને અદાણી ડિફેન્સે તેમાં તેની રુચિની પુષ્ટિ કરી છે. રાજવંશીના જણાવ્યા અનુસાર, AMCA પ્રોજેક્ટ ૧૦ વર્ષનો વિકાસ કાર્યક્રમ છે, જેના હેઠળ ૨૦૩૪-૩૫ સુધીમાં ભારતીય વાયુસેનાના કાફલામાં પ્રથમ ફાઇટર એરક્રાફ્ટ જોડાય તેવી અપેક્ષા છે. તેમણે કહ્યું કે જો અમને સફળતા મળશે, તો અમે પછીથી ઝડપી ઉત્પાદન શરૂ કરીશું.
એ નોંધનીય છે કે કેન્દ્રીય સંરક્ષણ પ્રધાન રાજનાથ સિંહે તાજેતરમાં AMCA કાર્યક્રમને મંજૂરી આપી છે, જેના કારણે પહેલીવાર આ કાર્યક્રમ સરકારી અને ખાનગી બંને ક્ષેત્રોની ભાગીદારી માટે ખુલ્લો મૂકવામાં આવ્યો છે. સરકારે પ્રારંભિક તબક્કામાં આ પ્રોજેક્ટ પર લગભગ ૧૫,૦૦૦ કરોડ રૂપિયાના ખર્ચનો અંદાજ લગાવ્યો છે, જેમાં ADA એ પ્રોટોટાઇપ વિકાસ, પરીક્ષણ અને પ્રમાણપત્રમાં અગ્રણી ભૂમિકા ભજવવા માટે વ્યવસાયિક જૂથોને આમંત્રણ આપ્યું છે. (રર.૧૮)
(3:48 PM IST)
છેલ્લા 8 દિવસમાં સૌથી લોકપ્રિય 
