ભારતીય વાયુસેના (આઈ એ એફ) દ્વારા અરબી સમુદ્રમાં આજે ૨ અને ૩ સપ્ટેમ્બરના રોજ મોટાપાયે યુદ્ધાભ્યાસનું આયોજન કરવામાં આવ્યું છે.

આ અભ્યાસ પાકિસ્તાનના કરાચીથી આશરે ૩૭૦ કિલોમીટર (૨૦૦ નોટિકલ માઈલ) દૂર છે, અને ડેન્જર ઝોન પાકિસ્તાન-નિયંત્રિત હવાઈ ક્ષેત્રથી માત્ર ૧૨૯ કિલોમીટર (૭૦ નોટિકલ માઈલ)ની નજીક આવે છે. આ નોટમ (નોટિસ ટુ એરમેન) દ્વારા જાહેર કરવામાં આવ્યું છે, જેમાં રાફેલ, સુખોઈ-૩૦ અને જગુઆર જેવા ફાઈટર વિમાનોની સંડોવણીનો અંદાજ છે. આ અભ્યાસ ઓપરેશન સિંદૂર પછીની તૈયારીના ભાગરૂપે જોવામાં આવે છે. રક્ષા મંત્રાલયના સૂત્રો અનુસાર, આ અભ્યાસમાં રાફેલ, સુખોઈ-3૩૦ અને જગુઆર જેવા અદ્યતન વિમાનોની સંડોવણી છે. અભ્યાસનો હેતુ ઉચ્ચ ઊંચાઈ પરની કામગીરી, હવાઈ રક્ષા અને યુદ્ધ તૈયારીને મજબૂત કરવાનો છે. નોટામ(નોટિસ ટુ એરમેન) જારી કરીને આ ક્ષેત્રમાં નાગરિક વિમાનોની અવરજવર પર પ્રતિબંધ મૂકવામાં આવ્યો છે. અભ્યાસ ગુજરાતના કિનારાની નજીક છે, જે પાકિસ્તાનની આર્થિક ક્ષેત્ર (ઈઈઝેડ)ને અડીને છે. રક્ષા વિશ્લેષકોના મતે, આ અભ્યાસ ભારતની સ્ટ્રેટેજિક તૈયારીનું પ્રતીક છે, ખાસ કરીને ઓપરેશન સિંદૂર પછીના સમયમાં. પાકિસ્તાને અગાઉ આવા અભ્યાસોને 'ધમકી' તરીકે જોયા છે, પરંતુ ભારતે તેને રુટીન તાલીમ તરીકે વર્ણવ્યું છે. અભ્યાસ દરમિયાન ૨૦,૦૦૦ ફૂટની ઊંચાઈ સુધીની કામગીરી કરવામાં આવશે, જેમાં અદ્યતન મિસાઈલ અને સર્વેલન્સ સિસ્ટમનું પરીક્ષણ થઈ શકે છે. આ અભ્યાસને કારણે પ્રાદેશિક તણાવ વધી શકે છે, પરંતુ ભારતીય વાયુસેનાએ તેને રાષ્ટ્રીય સુરક્ષા માટે જરૂરી ગણાવ્યું છે.