૨ બાળકોની માતા ૧૭ વર્ષના છોકરા સાથે પ્રેમમાં પડી ગઈઃ બંને ફરાર
હવે મહિલા પર પોસ્કો એક્ટ લાગુ કરવામાં આવશે
અલપ્પુઝા તા.૩: કેરળની એક મહિલાની તાજેતરમાં પોક્સો એક્ટ હેઠળ ધરપકડ કરવામાં આવી છે. હકીકતમાં, તાજેતરમાં જ આ ૩૦ વર્ષીય મહિલા એક સગીર છોકરા સાથે કેરળથી કર્ણાટક ભાગી ગઈ હતી. મળતી માહિતી મુજબ, બંનેનો પણ કર્ણાટકમાં સ્થાયી થવાનો ઇરાદો હતો. જોકે, પોલીસે બંનેને શોધી કાઢ્યા અને હવે તે યુવકને તેના પરિવારને સોંપવામાં આવ્યો છે. ચેરથલા પોલીસે મહિલાની ધરપકડ કરી હતી જ્યાંથી કોર્ટે તેને ન્યાયિક કસ્ટડીમાં મોકલી દીધી છે.
પોલીસે મંગળવારે જણાવ્યું હતું કે ૩૦ વર્ષીય મહિલાને ૧૭ વર્ષના છોકરા સાથે ભાગી જવા અને તેનું જાતીય શોષણ કરવા બદલ પ્રોટેક્શન ઓફ ચિલ્ડ્રન ફ્રોમ સેક્સ્યુઅલ ઓફેન્સ (પોક્સો) એક્ટ હેઠળ ધરપકડ કરવામાં આવી છે. પોલીસે જણાવ્યું હતું કે મહિલા લગભગ એક અઠવાડિયા પહેલા એક સગીર, દૂરના સંબંધી સાથે ભાગી ગઈ હતી.
આ પછી, બંને પરિવારોએ અલગ અલગ FIR નોંધાવી હતી. ૫ દિવસની શોધખોળ બાદ, બંને કર્ણાટકના કોલ્લુરમાં મળી આવ્યા હતા. પોલીસે વધુમાં જણાવ્યું હતું કે તેમને કોલ્લુરમાં અટકાયતમાં લેવામાં આવ્યા હતા. અહીં મહિલાએ સ્થાયી થવાના ઇરાદાથી એક ઘર ભાડે રાખ્યું હતું. આ સમય દરમિયાન, તે પકડાઈ જવાના ડરથી ફોનનો ઉપયોગ પણ કરતી નહોતી.
મળતી માહિતી મુજબ, મહિલા પહેલા એક કૌટુંબિક કાર્યક્રમમાં છોકરાના સંપર્કમાં આવી હતી. અહીં બંને એકબીજાના પ્રેમમાં પડ્યા હતા. આરોપ છે કે, જ્યારે તેના પતિએ તેણીને તેના સાસરિયામાં પાછી લાવવાનો પ્રયાસ કર્યો ત્યારે મહિલાએ ના પાડી. મહિલા ગામમાંથી જ સગીર સાથે ભાગી ગઈ હતી.(૩૮.૧૨)
(10:19 AM IST)
છેલ્લા 8 દિવસમાં સૌથી લોકપ્રિય 
