નવી દિલ્હી : ભારતીય જનતા પાર્ટીના ફાયરબ્રાન્ડ નેતા અને કેન્દ્રીય મંત્રી ગિરિરાજ સિંહે ફરી એકવાર પશ્ચિમ બંગાળના મુખ્યમંત્રી મમતા બેનર્જી પર હુમલો કર્યો છે. ગિરિરાજ સિંહે મુખ્યમંત્રી મમતા બેનર્જીને ક્રૂર શાસક ગણાવ્યા છે. મીડિયા સાથે વાત કરતા તેમણે પશ્ચિમ બંગાળ વિધાનસભામાં થયેલા હોબાળા પર કહ્યું કે આજે મમતા બેનર્જી કેવા ક્રૂર શાસક છે, જે લોકતંત્રમાં માનતા નથી, સરમુખત્યારશાહીમાં માને છે.

મમતા બેનર્જી પર હુમલો કરતા કેન્દ્રીય મંત્રી સિંહે કહ્યું કે તેઓ લોકમંત્રમાં માનતા નથી, સરમુખત્યારશાહીમાં માને છે. પશ્ચિમ બંગાળ વિધાનસભામાં થયેલા હોબાળાનો ઉલ્લેખ કરતા ભાજપ નેતાએ કહ્યું કે મમતા બેનર્જી બંગાળને બાંગ્લાદેશ બનાવવા માંગે છે.

બેગુસરાયના સાંસદ ગિરિરાજ સિંહે કહ્યું કે પશ્ચિમ બંગાળ વિધાનસભામાં સુવેન્દુ અધિકારી સહિત 5 ધારાસભ્યો પર હુમલો થયો છે, આનાથી વધુ દુર્ભાગ્યપૂર્ણ શું હોઈ શકે? આ મમતા બેનર્જીની સામે કરવામાં આવ્યું હતું. તેમણે કહ્યું હતું કે મમતા બેનર્જી બંગાળ અને બંગાળી ભાષાનું અપમાન કરી રહી છે.

ભાજપના મંત્રીએ વધુમાં કહ્યું હતું કે જો ભાજપ સરકાર આવશે તો અમે દરેક ઘુસણખોરને બહાર કાઢીશું. તે (મમતા બેનર્જી) બંગાળમાં બંગાળ ફાઇલ્સ (ફિલ્મ) બંધ કરી શકે છે પરંતુ આ ફિલ્મ બંગાળના હિન્દુ ભાઈ-બહેનોના હૃદય અને મનમાં પહેલેથી જ બની ગઈ છે. તમને જણાવી દઈએ કે આવતા વર્ષે 2026માં પશ્ચિમ બંગાળમાં વિધાનસભા ચૂંટણીઓ યોજાવાની છે. આવી સ્થિતિમાં, ભાજપે અત્યારથી જ તેની તૈયારીઓ શરૂ કરી દીધી છે.

 પશ્ચિમ બંગાળ વિધાનસભામાં ખાસ સત્ર દરમિયાન ભાજપના ધારાસભ્યો અને માર્શલો વચ્ચે ઘર્ષણ થયું હતું. મમતા બેનર્જીએ બોલવાનું શરૂ કરતાની સાથે જ ભાજપના ધારાસભ્યએ સૂત્રોચ્ચાર શરૂ કરી દીધા હતા. વિરોધમાં ટીએમસીના ધારાસભ્યોએ પણ અવાજ ઉઠાવવાનું શરૂ કર્યું હતું. વાતાવરણ બગડ્યું અને લગભગ એક કલાક સુધી હોબાળો ચાલુ રહ્યો. વિધાનસભાના અધ્યક્ષ બિમન બેનર્જીએ કાર્યવાહીમાં વિક્ષેપ પાડવાના આરોપસર ભાજપના 5 ધારાસભ્યો શંકર ઘોષ, અગ્નિમિત્ર પાલ, મિહિર ગોસ્વામી, અશોક ડિંડા અને બંકિમ ઘોષને દિવસ માટે સસ્પેન્ડ કર્યા હતા.