મુંબઈ 05 સપ્ટેમ્બર, 2025: ભારતીય રાજકારણ અને કાયદાકીય વર્તુળોમાં ફરી એકવાર ભૂતપૂર્વ NCB અધિકારી સમીર વાનખેડે અને NCP નેતા નવાબ મલિક વચ્ચેનો વિવાદ ચર્ચામાં આવ્યો છે. સમીર વાનખેડેની બહેન અને વકીલ યાસ્મીન વાનખેડે એ મુંબઈ પોલીસે મલિકને ક્લીન ચિટ આપતા રિપોર્ટ સામે કોર્ટમાં વિરોધ અરજી દાખલ કરી છે. યાસ્મીનનો આરોપ છે કે પોલીસ તપાસ "કોઈપણ નિષ્પક્ષતા વિના" થઈ છે અને તેના પર રાજકીય દબાણ હતું.

પોલીસ રિપોર્ટની મુખ્ય દલીલો:
પોલીસે કોર્ટમાં રજૂ કરેલા પોતાના રિપોર્ટમાં નવાબ મલિકને ક્લીન ચિટ આપતા કહ્યું કે તેમની સામે પ્રથમ દ્રષ્ટિએ કોઈ ગુનો બનતો નથી. રિપોર્ટમાં મલિકના નિવેદનનો ઉલ્લેખ કરવામાં આવ્યો છે કે તેમણે કરેલી પોસ્ટ્સ અને પ્રેસ કોન્ફરન્સ "રાજકીય પક્ષના પ્રવક્તા" તરીકેની તેમની ફરજનો ભાગ હતી અને તેમને યાસ્મીન પ્રત્યે કોઈ વ્યક્તિગત દુશ્મનાવટ નથી.

યાસ્મીન વાનખેડેની વિરોધ અરજી:
યાસ્મીન વાનખેડેએ પોતાના વકીલ દ્વારા દાખલ કરેલી અરજીમાં પોલીસના આ રિપોર્ટને ફગાવી દેવાની માંગ કરી છે. તેમની દલીલો આ મુજબ છે:

• પોલીસે આરોપીના વર્તનને યોગ્ય ઠેરવવાનો પ્રયાસ કર્યો છે.

• મલિકના ઇન્સ્ટાગ્રામ પરથી તેમના ખાનગી ફોટોગ્રાફ્સનો દુરુપયોગ કર્યો છે અને તેમને જાહેરમાં પ્રકાશિત કરવાનો કોઈ અધિકાર નથી, ભલે તેઓ રાજકીય પ્રવક્તા હોય.

• પોલીસ અધિકારીઓ આ મામલાની તપાસમાં સંપૂર્ણ રીતે નિષ્પક્ષ રહ્યા નથી.

આ વિવાદની શરૂઆત 2021માં થઈ હતી, જ્યારે સમીર વાનખેડે NCBના ઝોનલ ડિરેક્ટર તરીકે ડ્રગ્સ કેસમાં નવાબ મલિકના જમાઈ સમીર ખાનની ધરપકડ કરી હતી. ત્યારબાદ, મલિકે સમીર વાનખેડે અને તેમના પરિવાર પર વિવિધ આરોપો લગાવ્યા હતા. આ મામલાની આગામી સુનાવણી 22 સપ્ટેમ્બરે થશે.