નવી દિલ્‍હીઃ ગયા શનિવારે રાત્રે પશ્ચિમ દિલ્હીના જનકપુરી વિસ્તારમાં આવેલા ડિસ્ટ્રિક્ટ સેન્ટરના છઠ્ઠા માળે આવેલી એક મોટી ઓફિસમાં ભીષણ આગ લાગી હતી. થોડી જ વારમાં આખી ઓફિસ આગની લપેટમાં આવી ગઈ હતી. આ અંગે ફાયર કંટ્રોલ રૂમને જાણ કરવામાં આવી હતી. અડધો ડઝન અગ્નિશામક વાહનો ઘટનાસ્થળે પહોંચી ગયા હતા. લગભગ ૨ કલાકની મહેનત બાદ આગ પર કાબુ મેળવી શકાયો હતો અને આસપાસની ઓફિસોને બચાવી લેવામાં આવી હતી.