સોશ્યલ મીડિયા ઉપર પ્રતિબંધ લાદનાર પ્રધાનના ઘરને આગ લગાડી : કૃષિ મંત્રીનું પણ રાજીનામુ
કર્ફયુ છતાં કાઠમંડુના અનેક વિસ્તારોમાં દેખાવો ચાલુ
કાઠમંડુમાં પરિસ્થિતિ તંગ છે. મંગળવારે સવારથી સંસદ ભવનની બહાર વિરોધીઓ વડાપ્રધાન વિરુદ્ધ સૂત્રોચ્ચાર કરી રહ્યા છે. જોકે સવારથી રાજધાનીમાં કફર્યુ હટાવવામાં આવ્યો હતો, પરંતુ રાષ્ટ્રપતિ ભવન, ઉપરાષ્ટ્રપતિ નિવાસસ્થાન, પ્રધાનમંત્રી નિવાસસ્થાન, સિંહ દરબાર અને સંસદ ભવનની આસપાસ પ્રતિબંધો ચાલુ છે.
તે જ સમયે મંત્રી નિવાસસ્થાન અને મુખ્ય પક્ષોના કાર્યાલયોની આસપાસ આજે સવારે ૭ વાગ્યાથી બપોરે ૧૨ વાગ્યા સુધી કફર્યુ લાગુ રહેશે. બીજા જ દિવસે આઇટી મંત્રી પૃથ્વી સુબ્બા ગુરુંગે જણાવ્યું હતું કે નેપાળ સરકારે સોશિયલ મીડિયા પ્લેટફોર્મ પરનો પ્રતિબંધ હટાવી લીધો છે અને તે ધીમે ધીમે પુનઃસ્થાપિત કરવામાં આવશે.
નેપાળના મુખ્ય શહેરોની શેરીઓ યુદ્ધભૂમિ બની ગઈ છે. નેપાળ પોલીસ દ્વારા કરવામાં આવેલા ગોળીબારમાં ૨૦ લોકો માર્યા ગયા. ‘હમી નેપાળ' નામની સંસ્થા નેપાળના આ યુવાનોને એક મંચ પર લાવવાનું કામ કરી રહી છે. સુદાન ગુરુંગ આ સંગઠનના વડા છે.
કાઠમંડુમાં વિરોધ પ્રદર્શનો વચ્ચે વિરોધીઓએ માહિતી અને સંદેશાવ્યવહાર મંત્રીના ખાનગી નિવાસસ્થાનમાં આગ લગાવી દીધી. એવો આરોપ છે કે સોશિયલ મીડિયા પર પ્રતિબંધ મૂકવાના નિર્ણયમાં મંત્રીએ મહત્વપૂર્ણ ભૂમિકા ભજવી હતી, જેના કારણે આ હુમલો કરવામાં આવ્યો હતો.
કફર્યુ લાદવામાં આવ્યો હોવા છતાં કાઠમંડુના ઘણા વિસ્તારોમાં વિરોધ પ્રદર્શન ચાલુ છે. રાજધાનીમાં પરિસ્થિતિ તંગ છે અને વહીવટીતંત્ર એલર્ટ પર છે.
દુબઈ ચાલ્યા ગયેલા નેપાળના વડાપ્રધાન કેપી ઓલીની મુશ્કેલીઓ સતત વધી રહી છે. ગૃહમંત્રી બાદ હવે કૃષિ મંત્રી રામનાથ અધિકારીએ પણ રાજીનામું આપી દીધું છે. સોમવારે થયેલી હિંસક ઘટનાઓ અને સરકાર દ્વારા કરવામાં આવેલા દમનના વિરોધમાં તેમણે પદ છોડી દીધું હોવાનું કહેવામાં આવી રહ્યું છે. રામનાથ અધિકારી નેપાળી કોંગ્રેસના ક્વોટામાંથી ઓલી કેબિનેટમાં જોડાયા હતા. તેમના રાજીનામાને સરકાર માટે મોટો આંચકો માનવામાં આવી રહ્યો છે કારણ કે તેનાથી આંતરિક મતભેદ વધુ ખુલ્લેઆમ બહાર આવ્યા છે.
નેપાળમાં યુવાનોનો વિરોધ અટકતો નથી. કફર્યુના આદેશોને અવગણીને, સંસદ ભવન સામે અને કાલંકી સહિત ઘણા વિસ્તારોમાં વિરોધીઓ ઉભા છે. આજે મંગળવારે પણ, ન્યૂ બાણેશ્વર અને કાઠમંડુ ખીણના વિવિધ ભાગોમાં મોટી સંખ્યામાં યુવાનો રસ્તા પર ઉતરી આવ્યા હતા. સોમવારે થયેલા પ્રદર્શનો અને સરકારની કડકતા પછી પણ આ વિરોધ ચાલુ છે. શાંતિ જાળવવા માટે વહીવટીતંત્રે ઘણા વિસ્તારોમાં કફર્યુ લાદ્યો છે.
કાઠમંડુમાં સવારથી કફર્યુ હટાવી લેવામાં આવ્યો છે પરંતુ પરિસ્થિતિ હજુ પણ સામાન્ય નથી. રાષ્ટ્રપતિ મહેલ, ઉપરાષ્ટ્રપતિ નિવાસસ્થાન, વડા પ્રધાન નિવાસસ્થાન, સિંહ દરબાર અને સંસદ ભવન આસપાસ આગામી આદેશો સુધી પ્રતિબંધો લાગુ રહેશે.
લોકોનું કહેવું છે કે આ આંદોલન ફક્ત સોશિયલ મીડિયા પ્રતિબંધ વિરુદ્ધ નથી પરંતુ ભ્રષ્ટાચાર, મોંઘવારી અને ભત્રીજાવાદ જેવા ગંભીર મુદ્દાઓ પર પણ છે. વિરોધીઓએ સ્પષ્ટ કર્યું કે જનતા હવે આ સમસ્યાઓથી કંટાળી ગઈ છે અને સરકાર પાસેથી નક્કર પગલાં લેવાની માંગ કરી રહી છે. વધતી જતી ભીડ વચ્ચે રાજધાનીમાં વાતાવરણ તંગ છે.
(2:55 PM IST)
છેલ્લા 8 દિવસમાં સૌથી લોકપ્રિય 
