ન્યૂયોર્ક: સંયુક્ત રાષ્ટ્રસંઘ – યુનોની જનરલ એસેમ્બલીમાં ૧૨ સપ્ટેમ્બરના રોજ યોજાયેલી મહત્વની બેઠકમાં ભારતે પેલેસ્ટાઇનના શાંતિપૂર્ણ ઉકેલ અને દ્વિ-રાષ્ટ્ર સમાધાનને સમર્થન આપતા 'ન્યૂયોર્ક ડિક્લેરેશન'ના પક્ષમાં મતદાન કર્યું. ભારત સહિત ૧૪૨ દેશોએ આ પ્રસ્તાવને સમર્થન આપ્યું, જ્યારે ઇઝરાયલ અને અમેરિકા જેવા ૧૦ દેશોએ વિરોધ કર્યો અને ૧૨ દેશોએ તટસ્થ રહ્યા. આ મતદાન ભારતની પરંપરાગત વિદેશ નીતિને અનુરૂપ છે, જેમાં પેલેસ્ટાઇનને ૧૯૮૮માં પ્રથમ બિન-અરબ દેશ તરીકે માન્યતા આપવાનો સમાવેશ થાય છે, તેમ ન્યુઝ ફર્સ્ટ જણાવે છે ભારતે પેલેસ્ટાઇનને સ્વતંત્ર અને સાર્વભૌમ રાજ્ય તરીકે સ્થાપિત કરવાના પ્રસ્તાવને સમર્થન આપ્યું છે. આ પ્રસ્તાવ 'ન્યૂ યોર્ક ડિક્લેરેશન' તરીકે ઓળખાય છે, જે પેલેસ્ટાઇન પ્રશ્નના શાંતિપૂર્ણ ઉકેલ અને બે-રાષ્ટ્ર સમાધાન (ઇઝરાયલ અને પેલેસ્ટાઇન)ને અમલમાં મૂકવા માટેની ૧૫ મહિનાની યોજના રજૂ કરે છે. આ ડિક્લેરેશનમાં હમાસ જેવા જૂથોને શાસનમાંથી બાકાત રાખવાની જોગવાઈ પણ છે, જેને હમાસ-મુક્ત પેલેસ્ટાઇની રાજ્ય તરીકે વર્ણવવામાં આવ્યું છે. મતદાનના આંકડા અનુસાર, ૧૪૨ દેશોએ પ્રસ્તાવના પક્ષમાં મત આપ્યા, જેમાં ભારત, પાકિસ્તાન, ફ્રાન્સ અને સાઉદી અરેબિયા જેવા દેશોનો સમાવેશ થાય છે. વિરોધમાં મત આપનારા ૧૦ દેશોમાં પલાઉ, પનામા, માઇક્રોનેશિયા, નાઉરુ, ટોંગા, ઇઝરાયલ, અમેરિકા, આર્જેન્ટિના, હંગેરી અને પેરાગ્વેનો સમાવેશ થાય છે. તટસ્થ રહેનારા ૧૨ દેશોમાં ઇથિયોપિયા અને અલ્બેનિયા જેવા દેશો છે.

આ મતદાન પહેલા ઇઝરાયલના વડાપ્રધાન બેન્જામિન નેતન્યાહુએ જાહેર કર્યું કે "ફિલિસ્તીની રાજ્ય ક્યારેય નહીં બને," અને તેમણે વેસ્ટ બેન્કમાં નવી વસાહતોના વિસ્તારની મંજૂરી આપી હતી. ભારતના સંયુક્ત રાષ્ટ્રસંઘમાં કાયમી પ્રતિનિધિ એમ્બેસેડર પી. હરીશે આ મતદાનમાં ભારતની સ્થિતિને સ્પષ્ટ કરતા જણાવ્યું કે ભારત હંમેશા બે-રાષ્ટ્ર સમાધાનને સમર્થન આપે છે અને "કાગળ પરના પ્રસ્તાવો" કરતા વ્યવહારુ કાર્યવાહીની જરૂર છે. ભારતની આ સ્થિતિ તેની ઐતિહાસિક વિદેશ નીતિ સાથે મેળ ખાય છે, જેમાં ૧૯૮૮માં પેલેસ્ટાઇનને માન્યતા આપવી અને માનવીય સહાય પૂરી પાડવી સામેલ છે. જોકે, ઇઝરાયલ સાથેના મજબૂત સંબંધો હોવા છતાં, ભારતે આ વખતે વિશ્વના મોટા ભાગના દેશો સાથે જોડાઈને ઇઝરાયલ-અમેરિકાની સ્થિતિને અસ્વીકાર કરી છે.