દુબઈ 19 સપ્ટેમ્બર, 2025: શહેરના સૌથી આકર્ષક અને સુંદર સ્થળોમાંનું એક, દુબઈ મિરેકલ ગાર્ડન, તેની નવી સિઝન માટે ફરીથી ખુલવા માટે તૈયાર છે. આ વિશ્વ પ્રસિદ્ધ પુષ્પોદ્યાન ૨૯ સપ્ટેમ્બર, સોમવારથી મુલાકાતીઓ માટે ફરીથી ખુલ્લું મુકવામાં આવશે. જે તેના ઈન્સ્ટાગ્રામ એકાઉન્ટ પર જાહેર કરવામાં આવ્યું છે.

શું છે દુબઈ મિરેકલ ગાર્ડનમાં ખાસ?

• વિશ્વનો સૌથી મોટો કુદરતી ફૂલોનો બગીચો: આ બગીચો ૭૨,૦૦૦ ચોરસ મીટરમાં ફેલાયેલો છે અને તેમાં ૧૫૦ મિલિયનથી પણ વધુ ફૂલો છે.

• ગિનિસ વર્લ્ડ રેકોર્ડ: ૨૦૧૩માં શરૂ થયા બાદ આ ગાર્ડને ત્રણ ગિનિસ વર્લ્ડ રેકોર્ડ બનાવ્યા છે.

• નવા આકર્ષણો: દર વર્ષે આ બગીચામાં નવા ફૂલો અને કલાત્મક લેન્ડસ્કેપ્સ ઉમેરવામાં આવે છે, જે મુલાકાતીઓને એક નવો અનુભવ આપે છે.

આ ફેમિલી ફ્રેન્ડલી ડેસ્ટિનેશન, અલ બારશા સાઉથ ૩ માં આવેલું છે. તેની મુલાકાતનો સમય અઠવાડિયાના દિવસોમાં સવારે ૯ થી રાત્રે ૧૧ વાગ્યા સુધી અને સપ્તાહના અંતે સવારે ૯ થી રાત્રે ૧૨ વાગ્યા સુધીનો છે. ટિકિટ ઓનલાઈન અને સ્થળ પરથી ખરીદી શકાય છે, અને UAEના નિવાસીઓ માટે ખાસ ડિસ્કાઉન્ટ પણ ઉપલબ્ધ છે.

આ સુંદર અને મંત્રમુગ્ધ કરનાર સ્થળની મુલાકાત લેવા માટે તૈયાર થઈ જાઓ!