ફૂડ ડિલિવરી ક્ષેત્રની દિગ્ગજ કંપની સ્વિગીએ રાઇડ-હેલિંગ કંપની રેપિડોમાં રહેલો પોતાનો હિસ્સો વેચવાની જાહેરાત કરી છે. સ્વિગીના બોર્ડે પ્રોસસ અને વેસ્ટબ્રિજ કેપિટલને રૂપિયા બે હજાર ચારસો કરોડમાં આ હિસ્સો વેચવાની મંજૂરી આપી દીધી છે.

કંપનીએ એક્સચેન્જ ફાઇલિંગમાં આ સોદાની જાણકારી આપી હતી. આ સોદાથી સ્વિગીને તેના મુખ્ય બિઝનેસ પર ધ્યાન કેન્દ્રિત કરવા અને નાણાકીય સ્થિતિને વધુ મજબૂત બનાવવામાં મદદ મળશે.

બીજી તરફ, રેપિડોને નવા રોકાણકારો મળવાથી તેના વિસ્તરણની યોજનાઓને વેગ મળવાની શક્યતા છે.