અમદાવાદ: આજકાલ નવા સ્માર્ટફોનનો ટ્રેન્ડ એટલો વધી ગયો છે કે ઘણા લોકો દર વર્ષે પોતાનો જૂનો ફોન વેચીને નવો ફોન ખરીદે છે. પરંતુ જૂનો ફોન વેચતા પહેલા જો તમે કેટલીક સાવચેતી ન રાખો તો તમારો ખાનગી ડેટા ચોરાઈ જવાનો મોટો ખતરો રહે છે. તમારા ફોનમાં રહેલા ફોટોગ્રાફ્સ, પાસવર્ડ અને બેંક એપ્સની વિગતો ખોટા હાથમાં ન જાય તે માટે આટલું જરૂર કરો.
 
વેચતા પહેલા આ ત્રણ મહત્વના કામ કરો:

1. ફોનનો ડેટા સંપૂર્ણપણે ભૂંસી નાખો:
જૂનો ફોન વેચતા પહેલા, ફોનને 'ફેક્ટરી રીસેટ' કરો. આ વિકલ્પ એન્ડ્રોઇડ અને iOS બંને ફોનમાં ઉપલબ્ધ છે. ફેક્ટરી રીસેટ કરવાથી ફોન બિલકુલ નવો થઈ જશે. પરંતુ યાદ રાખો, રીસેટ કરતા પહેલા તમારી બધી ફાઇલોનો બેકઅપ લેવાનું ભૂલશો નહીં.

2. ક્લાઉડ એકાઉન્ટ્સમાંથી લોગ આઉટ કરો:
ઘણી એપ્સ અને સેવાઓ ક્લાઉડમાં ડેટા સ્ટોર કરે છે. ફોન વેચતા પહેલા Google, Apple iCloud, Microsoft OneDrive જેવા તમારા તમામ ક્લાઉડ એકાઉન્ટ્સમાંથી લોગ આઉટ કરવું અત્યંત જરૂરી છે. આનાથી ખાતરી થશે કે તમારા ડેટાની કોઈ કોપી ક્લાઉડમાં રહી નથી.

3. સેવ કરેલા પાસવર્ડ્સ કાઢી નાખો:
આજકાલ આપણે બ્રાઉઝર અને એપ્સમાં પાસવર્ડ સેવ કરી દઈએ છીએ જેથી વારંવાર લોગ ઇન ન કરવું પડે. પરંતુ આ પાસવર્ડ વેચાયેલા ફોનમાંથી રિકવર થઈ શકે છે. તેથી, ફોન વેચતા પહેલા બ્રાઉઝર સેટિંગ્સમાં જઈને સેવ કરેલા પાસવર્ડ્સ વિભાગમાંથી બધા પાસવર્ડ્સ ડિલીટ કરી દો. આ તમારા ઈમેલ, સોશિયલ મીડિયા અને બેંકિંગ એકાઉન્ટ્સને સુરક્ષિત રાખશે.

જો તમે આટલી સાવચેતી રાખશો, તો તમે તમારો જૂનો ફોન સુરક્ષિત રીતે વેચી શકશો અને તમારા ખાનગી ડેટાના દુરુપયોગથી બચી શકશો.