ઇટાલીમાં એક માર્ગ અકસ્માતમાં 4 ભારતીયોના મોત થયા છે. આ અકસ્માત એક કાર અને ટ્રક વચ્ચે ધડાકાભેર અથડાઇ હતી. આ અકસ્માતની ઘટના બાદ ભારતીય દૂતાવાસ સ્થાનિક ઇટાલિયન અધિકારીઓના સંપર્ક સાધ્યો હતો. 

મળતી માહિતી મુજબ, દક્ષિણ ઇટાલીના માટેરામાં ભયંકર માર્ગ અકસ્માતમાં 4 ભારતીય નાગરિકોના મોત થયા છે. રોમમાં ભારતીય દૂતાવાસે સોમવારે આ ઘટનાની માહિતી આપી હતી. માહિતી આપતા, ઇટાલિયન સમાચાર એજન્સી ANSA એ અહેવાલ આપ્યો છે કે એગ્રી ખીણમાં માટેરાના સ્કેન્ઝાનો જોનિકો મ્યુનિસિપાલિટી વિસ્તારમાં કાર એક ટ્રક સાથે અથડાઈ ત્યારે આ અકસ્માત થયો હતો. સ્થાનિક મીડિયાના જણાવ્યા મુજબ, મૃતકોની ઓળખ મનોજ કુમાર (34), સુરજીત સિંહ (33), હરવિંદર સિંહ (31) અને જસકરણ સિંહ (20) તરીકે થઈ છે. ભારતીય દૂતાવાસે સોશિયલ મીડિયા પર એક પોસ્ટમાં જણાવ્યું હતું કે, દક્ષિણ ઇટાલીના માટેરામાં થયેલા માર્ગ અકસ્માતમાં ચાર ભારતીય નાગરિકોના દુઃખદ મૃત્યુ પર ભારતીય દૂતાવાસે ઊંડા શોક વ્યક્ત કર્યો છે.

ભારતીય દૂતાવાસે કહ્યું, અમે વિગતો મેળવવા માટે સ્થાનિક ઇટાલિયન અધિકારીઓના સંપર્કમાં છીએ. દૂતાવાસ સંબંધિત પરિવારોને તમામ શક્ય કોન્સ્યુલર સહાય પૂરી પાડશે. ઘાયલોમાંથી 5ને પોલિકોરો (માટેરા)ની હોસ્પિટલમાં ખસેડવામાં આવ્યા હતા, જ્યારે છઠ્ઠા, જે ગંભીર રીતે ઘાયલ હતો, તેને પોટેન્ઝાની સાન કાર્લો હોસ્પિટલમાં ખસેડવામાં આવ્યો હતો.