નવી દિલ્હી: પાકિસ્તાન અને તાલિબાનના નેતૃત્વ હેઠળના અફઘાનિસ્તાન વચ્ચે સરહદ પરનો તણાવ ચરમસીમાએ પહોંચ્યો છે. પાકિસ્તાને કાબુલ પર હવાઈ હુમલો કર્યા બાદ અફઘાન દળોએ વળતો પ્રહાર કર્યો છે, જેના કારણે લડાઈ કુનાર અને હેલમંડ પ્રાંતોમાં ફેલાઈ ગઈ છે. અફઘાન સેનાએ ડ્યુરંડ રેખા (Durand Line) પાર કરીને પાકિસ્તાની સરહદ પરની અનેક ચોકીઓ પર કબજો કર્યો હોવાના અહેવાલ છે. આ લડાઈમાં ઓછામાં ઓછા ૧૨ પાકિસ્તાની સૈનિકો માર્યા ગયા છે.
ઇઝરાયલ-હમાસ યુદ્ધ ચાલી રહ્યું છે તેવા સંજોગોમાં આ તણાવ વધતાં ખાડી દેશોમાં ભારે ગભરાટ ફેલાયો છે. તેમને ભય છે કે આ વધારાનો સંઘર્ષ સમગ્ર પ્રદેશમાં અસ્થિરતા લાવી શકે છે.
સાઉદી અરેબિયા: વિદેશ મંત્રાલયે સંયમ જાળવવાની અને તણાવ ઓછો કરવા અંગે ચર્ચા કરવાની અપીલ કરી છે.
કતાર: કતારના વિદેશ મંત્રાલયે બંને દેશોને રાજદ્વારી વાતચીતને મહત્વ આપવા જણાવ્યું છે.
ઈરાન: ઈરાની રાજદ્વારી અબ્બાસ અરાઘચીએ પણ સંયમ રાખવાની અપીલ કરી છે.
વધતા સંઘર્ષ વચ્ચે પાકિસ્તાને ભારત પર ગંભીર આરોપ લગાવ્યો છે કે ભારત અફઘાનિસ્તાનને ટેકો આપી રહ્યું છે. પાકિસ્તાનનો ભારત પર આરોપ મુકયો હતો. ભારતે સણસણતો જવાબ આપ્યો  હતો.
જોકે, ભારતે આ આરોપોને સખત શબ્દોમાં નકારી કાઢ્યા છે. ભારતીય વિદેશ મંત્રાલયે સ્પષ્ટતા કરી છે કે: "અમે અફઘાનિસ્તાનની આંતરિક બાબતોમાં દખલ કરતા નથી અને સરહદ પર શાંતિની અપીલ કરીએ છીએ."
પાકિસ્તાની સેનાએ હુમલાનું કારણ સમજાવતા કહ્યું કે, પાકિસ્તાન વિરુદ્ધ અફઘાનિસ્તાનમાં અનેક ઠેકાણા બનાવવામાં આવી રહ્યા હતા, અને દેશના જીવન અને સંપત્તિની સુરક્ષા માટે આ પગલું જરૂરી હતું. જોકે, તાલિબાનના વળતા હુમલાથી પરિસ્થિતિ વધુ વણસી છે.