નવી દિલ્‍હીઃ 2025 ની બિહાર વિધાનસભા ચૂંટણી પહેલા, રાષ્ટ્રીય જનતા દળ (RJD) અને તેજસ્વી યાદવને મોટો ફટકો પડ્યો છે. નવાદા અને રાજૌલીના પાર્ટી ધારાસભ્યો, વિભા દેવી અને પ્રકાશ વીર, રાજીનામું આપીને ભારતીય જનતા પાર્ટી (BJP) માં જોડાયા છે. તેમણે વિધાનસભા અધ્યક્ષ નંદ કિશોર યાદવને રાજીનામું સુપરત કર્યું છે. ભાજપમાં જોડાયા બાદ, બંને નેતાઓએ કહ્યું કે તેઓ હવે વડા પ્રધાન નરેન્દ્ર મોદી અને ભાજપના નેતૃત્વ હેઠળ વિકાસની રાજનીતિમાં ભાગીદારી કરવા માંગે છે.